ශ්රී ලංකාවේ පවතින අයහපත් කාලගුණ තත්ත්වය හේතුවෙන් බදුල්ල දිස්ත්රික්කයේ ස්ථාන 6ක නායයෑම් සිදුව තිබේ.
එහිදී පුද්ගලයින් සිව්දෙනෙකු ජීවිතක්ෂයට පත්ව ඇති බව වාර්තා වේ.
එමෙන්ම තවත් පුද්ගලයින් නව දෙනෙකු පමණ අතුරුදන්ව ඇති බවයි බදුල්ල දිස්ත්රික් ලේකම් පණ්ඩුක අබේවර්ධන මහතා සඳහන් කළේ.
අතුරුදන් වූ පුද්ගලයින් සෙවීමේ කටයුතු සඳහා සහන සේවා කණ්ඩායම් තවදුරටත් කටයුතු කරමින් සිටින බව වාර්තා වේ.
අතුරුදන් වූ පුද්ගලයින් සොයා මේ වන විට මෙහෙයුම් ආරම්භ කර තිබේ.
ඊයේ (26) දිනයේ ඇති වූ අයහපත් කාලගුණ තත්ත්වය හේතුවෙන් දිස්ත්රික්කයේ ස්ථාන රැසක නායයෑම් සහ පස් කඳු කඩා වැටීම් වාර්තා වන බව දිස්ත්රික් ලේකම්වරයා පවසයි.
