නේපාලයට බලපෑ අධික වර්ෂාව හේතුවෙන් සිදුවූ ආපදා සහ පුද්ගල මරණ සම්බන්ධයෙන් ඉන්දියාව ශෝකය පළ කර තිබෙනවා.
නිවේදනයක් නිකුත් කරමින් ඉන්දීය අග්රාමාත්ය නරේන්ද්ර මෝදි පවසා ඇත්තේ විනාශ වූ දේපළ සහ අහිමි වූ ජීවිත සම්බන්ධයෙන් කණස්සල්ල පළ කරන බවයි.
එමෙන්ම දෙරටේ සහයෝගීතාවය ප්රදර්ශනයක් ලෙස, මෙම දුෂ්කර කාලය තුළ ඉන්දියාව ඔවුන් සමඟ සිටින බවට අගමැති මෝදි නේපාල ජනතාවට සහ රජයට සහතික වී තිබෙනවා.
“නේපාලයට බලපෑ අධික වර්ෂාව හේතුවෙන් ජීවිත හා දේපළ අහිමි වීම හද කම්පා කරවන සුළුයි. මෙම දුෂ්කර කාලය තුළ අපි නේපාල ජනතාව සහ නේපාල රජය සමඟ සිටිමු,” අගමැති මෝදි X හි සටහනක සඳහන් කළා. “මිත්රශීලී අසල්වැසියෙකු සහ පළමු ප්රතිචාර දක්වන්නෙකු ලෙස, අවශ්ය විය හැකි ඕනෑම ආකාරයක සහායක් ලබා දීමට ඉන්දියාව කැපවී සිටී,” ලෙසයි ඔහු තවදුරටත් පැවසුවේ.
වර්ෂාව සමඟ ඇති වූ නායයෑම් සහ හදිසි ගංවතුර හේතුවෙන් නේපාලයේ අවම වශයෙන් පුද්ගලයින් 52 දෙනෙකු මියගොස් තිබෙනවා.
