පුද්ගලයන් 41 දෙනකුට මරු කැඳවූ තලපති විජේගේ දේශපාලන රැලියෙන් පසු ඔහුට බෝම්බ තර්ජන එල්ල වී තිබෙන බව ඉන්දීය මාධ්ය වාර්තා කරනවා.
එළැඹෙන තමිල්නාඩු මහමැතිවරණයට තරග වදින තමිලග වෙට්ට්රි කලහම් පක්ෂයේ නායකයා වන දකුණු ඉන්දීය සිනමාවේ සුපිරි නළු ජෝශප් විජේ හෙවත් තලපති විජේගේ චෙන්නායි නුවර පිහිටි මන්දිරයේ බෝම්බයක් සවි කර ඇති බවට චෙන්නායි පොලීසියට පෙරේදා දුරකතන ඇමතුමක් ලැබී ඇතැයි ද, වහාම ක්රියාත්මක වූ පොලීසිය බෝම්බ නිෂ්ක්රීය කණ්ඩායමක් සමඟ විජේගේ මන්දිරය වෙත ගොස් පූර්ණ පරික්ෂාවක් සිදු කර ඇතැයි ද එරට මාධ්ය වැඩිදුරටත් වාර්තා කරනවා.
ඔහුගේ චෙන්නායි නිවස ඇතුළත සහ පිටත දැඩි පරීක්ෂාවකට ලක් කිරීමෙන් පසු එය ව්යාජ දුරකතන ඇමතුමක් බව හෙළි වී ඇතැයි ද වාර්තා වනවා.
කෙසේ වුවද මේ වනවිට විජේගේ මන්දිරයට චෙන්නායි පොලීසියෙන් ආරක්ෂාව සපයා තිබෙන බව ද ඉන්දීය මාධ්ය සඳහන් කරනවා.
