මිනිසුන්ගේ සමේ සෛලවලින් ලබාගත් DNA හැසිරවීමෙන් සහ පසුව ශුක්රාණු සමඟ සංසේචනය කිරීමෙන් අමෙරිකානු විද්යාඥයින් ප්රථම වරට මුල් අවධියේ මිනිස් කළල නිර්මාණය කර තිබෙනවා.
ශරීරයේ ඕනෑම සෛලයක් පාහේ ජීවිතයේ ආරම්භක ලක්ෂ්යය ලෙස භාවිතා කිරීමෙන්, මහලු විය හෝ රෝගය හේතුවෙන් ඇතිවන වඳභාවය ජය ගැනීමට මෙම තාක්ෂණයට හැකි බව සඳහන්.
එමඟින් සමලිංගික යුවලකට ජානමය වශයෙන් සම්බන්ධිත දරුවෙකු ලැබීමට පවා ඉඩ සැලසිය හැකියි.
සාඵල්යතා සායනයකට එය භාවිතා කිරීම ගැන සලකා බැලීමට පවා පෙර, මෙම ක්රමයට සැලකිය යුතු දියුණුවක් අවශ්ය වනවා.
අවම වශයෙන් එයට දශකයක් ගතවනු ඇති.
විශේෂඥයින් සඳහන් කරනුයේ එය ආකර්ෂණීය ඉදිරි ගමනක් බවයි.
නමුත් විද්යාව මඟින් කළ හැකි දේ පිළිබඳව මහජනතාව සමඟ විවෘත සාකච්ඡාවක් පැවැත්විය යුතු බව ද ඔවුන් අවධාරණය කරනවා.
ප්රජනනය යනු පිරිමියෙකුගේ ශුක්රාණුවක් කාන්තාවකගේ ඩිම්බයක් හමුවන ආකාරය පිළිබඳ ක්රියාවලියක් වන අතර ඒවා කළලයක් සෑදීමට ඒකාබද්ධ වන අතර මාස නවයකට පසු දරුවෙකු උපත ලබනවා.
දැන් විද්යාඥයන් මෙම නීති වෙනස් කරමින් සිටී. මෙම නවතම අත්හදා බැලීම මිනිස් සමෙන් ආරම්භ වනවා.
ඔරිගන් සෞඛ්ය හා විද්යා විශ්ව විද්යාලයේ පර්යේෂණ කණ්ඩායමේ තාක්ෂණය මඟින් ශරීරය ගොඩනැගීමට අවශ්ය සම්පූර්ණ ජාන කේතයේ පිටපතක් අඩංගු න්යෂ්ටිය සමේ සෛලයකින් ලබා ගන්නවා.
ඉන්පසු මෙය ජානමය උපදෙස් ඉවත් කරන ලද පරිත්යාගශීලී ඩිම්බ බීජානු තුළ තැන්පත් කරනු ලබනවා.
මේ දක්වා, මෙම තාක්ෂණය 1996 දී උපත ලැබූ ලොව ප්රථම ක්ලෝන කරන ලද ක්ෂීරපායි සත්වයා වන ඩොලි නම් බැටළුවා නිර්මාණය කිරීමට භාවිතා කළ ක්රමයට සමාන බවයි විදෙස් මාධ්ය වැඩිදුරටත් පවසන්නේ.
