ඉන්දියාව සහ යුරෝපීය නිදහස් වෙළෙඳ සංගමය අතර ඓතිහාසික නිදහස් වෙළෙඳ ගිවිසුම අද (ඔක්තෝබර් 01) සිට ක්රියාත්මක වන බව විදෙස් මාධ්ය වාර්තා කරනවා.
පසුගිය වසරේ මුල් භාගයේදි සාකච්ඡා අවසන් කරනු ලැබූ එම ගිවිසුම මගින් ඉන්දියාවට යුරෝපයේ රටවල් සමඟ එම ගිවිසුම යටතේ වෙළෙඳ කටයුතු සිදු කිරීමට හැකියාව ලැබී තිබෙන බවයි ඉන්දීය රජයේ වාණිජ හා කර්මාන්ත අමාත්ය, පියුෂ් ගෝයාල් නිවේදනය කරඇත්තේ.
අද සිට ක්රියාත්මක වන නිදහස් වෙළෙඳ ගිවිසුම යටතේ ස්විට්සර්ලන්තය, නෝර්වේ, අයිස්ලන්තය සහ ඔස්ට්රියාව සහ ස්විට්සර්ලන්තය අතර පිහිටි ලිච්ටෙන්ස්ටයින් රාජ්යය සමඟ ද වෙළෙඳ කටයුතු සිදුවන බව ද ඉන්දීය වාණිජ හා කර්මාන්ත අමාත්යවරයා ප්රකාශ කළා.
මේ වන විට යුරෝපා සංගමයට අමතරව අමෙරිකාව සහ පේරූ රාජ්යය ඇතුළු ලොව පුරා රටවල් 27ක් සමඟ ඉන්දියාව නිදහස් වෙළෙඳ ගිවිසුම් පිළිබඳ සාකච්ඡා පවත්වමින් සිටින බවද ඇමැතිවරයා වැඩිදුරටත් සඳහන් කර තිබෙනවා.
එක්සත් අරාබි එමීර් රාජ්යය, ඔස්ට්රේලියාව සහ බ්රිතාන්යය සමඟ දැනටමත් නිදහස් වෙළෙඳ ගිවිසුම් අත්සන් කර ඇතැයි ද ඉන්දීය වාණිජ හා කර්මාන්ත අමාත්යවරයා පවසා තිබෙනවා.
