ලොව දෙවන විශාලතම බියර් පාන උත්සවය ජර්මනියේ ස්ටට්ගාර්ට් හි කැන්ස්ටැටර් වාසෙන්හිදී ආරම්භ වී තිබෙනවා.
මෙවර පැවැත්වෙන්නේ 178 වැනි බියර් උත්සවයයි.
ස්ටට්ගාර්ට් නගරාධිපති ෆ්රෑන්ක් නොපර් විසින් උත්සවය ආරම්භ කළේ මිටි පහරවල් දෙකකින් සම්ප්රදායික බියර් බැරලය විවෘත කරමින්.
මෙම අවස්ථාව සඳහා සංගීත කණ්ඩායම් කිහිපයක් සංගීතයෙන් දායක වනවා.
ලබන ඔක්තෝබර් 12 වනදා දක්වා පැවැත්වීමට නියමිත මෙම උත්සවය ඒ දක්වා දිනපතා විවෘතව තැබෙනවා.
ආපනශාලා හිමියන් සහ වෙළඳුන් 300 ක් පමණ ඊට සහභාගී වන බවයි විදෙස් වාර්තාවල දැක්වෙන්නේ.
හෙක්ටාර 35ක භූමි ප්රදේශයක සැණකෙලි පවත්වන කැන්ස්ටැටර් වාසෙන්හිදී පැවැත්වෙන මෙම උත්සවයේ පසුගිය වසරේ පැමිණි ජනකාය මිලියන 4.6 ක් බව ද සඳහන්.
කෙසේවෙතත්, ජර්මනියේ ආර්ථිකය තවමත් දුෂ්කරතාවක පවතිනවා.
එවැනි මොහොතක මෙම උත්සවයට ජනතාවගේ සහභාගීත්වය, කාලගුණය සහ පාරිභෝගික මනෝභාවය මත රඳා පවතිනු ඇති බවයි එහි බලධාරීන් පවසන්නේ.
සති තුනක් පුරා පැවැත්වෙන මෙම උත්සවය විදේශීය අමුත්තන් විසින් ඇතැම් විට ස්ටට්ගාර්ට් බියර් උත්සවය ලෙස හැඳින්වුවද, එය සැබවින්ම එය සරත් සෘතුවේ පොළක් ලෙස පෙරදී සැළකූ බවයි සඳහන් වන්නේ.
බියර්වලට අමතරව, කැන්ස්ටැටර් වාසන් හි දැවැන්ත සවාරි සංකීර්ණ, වර්ණවත් පෙළපාලි, සජීවී සංගීත වේදිකා, ස්වාබියන් ආහාර අලෙවිසැල්, රසකැවිලි අලෙවිසැල්, සහ ක්රීඩා සහ ශිල්පීය නිර්මාණ සහිත වෙළඳපොළක් ද ඇතුළත්.
ස්ටට්ගාර්ට් හිදී අලෙවි කරන බියර් ප්රමාණය නිශ්චිතව කිව නොහැකි තරම්.
මෙහිදී එය වෙළඳ රහසක් ලෙස සලකනු ලබනවා.
කෙසේවෙතත්, එක් ඇස්තමේන්තුවකට අනුව එය ලීටර් මිලියන දෙකක් පමණ (ගැලුම් 500,000 කට වඩා වැඩි) වනවා.
එය විශාල බැවේරියානු සැමරුමේ (ඔක්ටෝබර්ෆෙස්ට්) ලීටර් මිලියන 6 සිට 7 දක්වා වූ ප්රමාණයට සාපේක්ෂව අඩු අගයක්.
මෙම උත්සවය 1818 දක්වා දිව යනවා. 1815 දී ඉන්දුනීසියාවේ ටම්බෝරා කන්ද පුපුරා යාම හේතුවෙන් සිදු වූ වසර ගණනාවක අස්වැන්න අසාර්ථක වීම් සහ සාගතයෙන් පසුව, කෘෂිකර්මාන්තය සැමරීම සඳහා අස්වනු උත්සවයක් ලෙස මෙය නිර්මාණය කර තිබුණා.
පසුව දශක ගණනාවක් තිස්සේ, මෙම වොල්ක්ස්ෆෙස්ට් උත්සවය එහි කෘෂිකාර්මික අරමුණින් ඔබ්බට විකාශනය වෙමින් පවතිනවා.
