ජ්යෙෂ්ඨ හමාස් නිලධාරී ගාසී හමාඩ් සමග CNN පුවත් සේවය පැවත්වූ සම්මුඛ සාකච්ඡාවක් මේ වනවිට විදෙස් මාධ්ය තුළ අවධානය දිනාගෙන තිබෙනවා.
මෙහිදී ඔහු ප්රකාශ කළේ, පලස්තීන අරමුණ වෙනුවෙන් තමන් සිදුකරන සටන ඇමරිකාව හා ඊශ්රයාලය එක්ව විනාශ කරන්නට උත්සාහ කළත් එයට ඉඩක් නොදෙන බවයි.
හමාස් සංවිධානයේ ක්රියාකලාපය ඉස්ලාමීය මූලධර්ම මත පදනම් වූවක් බවට විග්රහ කරන ඔහු පසුගියදා කටාර් වෙත එල්ල කළ ප්රහාරයෙන් තමා යංතමින් දිවි බේරාගත් බවද පැහැදිලි කළා.
ගාසා තීරයේ සිදුව ඇති දැවැන්ත විනාශය සහ ජනතාව විඳින දුක් වේදනා සම්බන්ධයෙන් හමාස් සංවිධානයට එල්ල වන චෝදනා ප්රතික්ෂේප කළ ගාසී හමාඩ්, එම සියලු දුෂ්කරතාවලට මූලික වශයෙන් වගකිව යුත්තේ ඊශ්රායල ආක්රමණය බවට චෝදනා කළා.
හමාස් සංවිධානය බලය අත්හැරිය යුතු යැයි ගාසා වැසියන් ඉල්ලා සිටින දර්ශන ඔහු වෙත ඉදිරිපත් කළ විට, ඔහු එය ඉවත දමමින් ජනතාවගේ දුක්ඛිත තත්ත්වයට හේතුව ඊශ්රායලය බව නැවත අවධාරණය කළා.
හමාස් සංවිධානය විසින් සිවිල් වැසියන් හෝ ප්රාණ ඇපකරුවන් මිනිස් පලිහක් ලෙස යොදා ගන්නා බවට වන චෝදනා ප්රතික්ෂේප කළ ඔහු, ප්රාණ ඇපකරුවන්ට ඉස්ලාමීය මූලධර්මවලට අනුකූලව සලකන බවද පැවසුවා.
සටන් විරාම සාකච්ඡාවලදී එක්සත් ජනපදය අවංක මැදිහත්කරුවෙකු ලෙස ක්රියා නොකරන බවටත්, ඊශ්රායලයට පක්ෂග්රාහී වන බවටත් ඔහු චෝදනා කළා.
කටාර් රාජ්යයේදී හමාස් නායකයින් ඉලක්ක කර සැප්තැම්බර් 09 වන දින එල්ල වූ ඊශ්රායල ප්රහාරයෙන් තමන් දිවි ගලවා ගත්තේ ‘ආශ්චර්යයකින්’ බව පැවසූ හමාඩ්, එම ප්රහාරයේ වගකීම ඊශ්රායලයට මෙන්ම එක්සත් ජනපදයටද පැවරුවා.
එම ප්රහාරය හේතුවෙන් එක්සත් ජනපදයේ යෝජනාවක් මත ආරම්භ වී තිබූ සටන් විරාම සාකච්ඡා මේ වන විට සම්පූර්ණයෙන්ම ‘අඩපණ වී’ ඇති බවයි ඔහු විස්තර කළේ.
රඳවාගෙන සිටින ප්රාණ ඇපකරුවන් වෙත ප්රවේශ වීමට රතු කුරුස සංවිධානයට අවසර ලබා දෙන්නේද යන්න පිළිබඳව පැහැදිලි පිළිතුරක් ලබා දීමෙන් වැළකී සිටි හමාඩ්, එම තත්ත්වය ‘සංකීර්ණ’ එකක් බව සඳහන් කළා.
හමාස් සංවිධානයේ සන්නද්ධ අංශය යනු ආක්රමණයට එරෙහි නීත්යානුකූල සහ නීති ප්රතිරෝධයක් බවයි ඔහු තරයේ අවධාරණය කළේ.
ප්රාණ ඇපකරුවන් නිදහස් කිරීම සහ හමාස් සංවිධානය නිරායුධ කිරීම වැනි ජාත්යන්තර ඉල්ලීම් සහ සිය ආයුධ ප්රතිරෝධය දැක්වීමේ අයිතියක් ලෙස රඳවා ගැනීමේ හමාස් සංවිධානයේ අභිප්රාය අතර පැහැදිලි පරතරයක් පවතින බවද ඔහු සිය ප්රකාශ මගින් ඉස්මතු කළා.
පලස්තීන රාජ්යයක් සහ හමුදාවක් පිහිටුවීමට හමාස් සංවිධානය සහාය දක්වන නමුත්, පලස්තීන දේශපාලන ක්රියාදාමය තුළ හමාස් සංවිධානය අනිවාර්යයෙන්ම කොටසක් ලෙස පැවතිය යුතු බවයි ගාසී හමාඩ් අවධාරණය කළේ.
ඔහු වැඩිදුරටත් කියා සිටියේ හමාස් සංවිධානය එම ක්රියාවලියේදී ධනාත්මක භූමිකාවක් ඉටු කරන බවයි.
