බොලිවුඩයේ ‘භායිජාන්’ ලෙසින් හැඳින්වෙන ජනප්රිය නළු සල්මාන් ඛාන් විසින් සිය පෞද්ගලික ජීවිතයේ නව අපේක්ෂාවක් හෙළිදරව් කරමින් ප්රකාශ කර තිබෙනවා. ඒ තමාට දරුවන් අවශ්ය බවයි.
දෙසැම්බර් මාසයේදී 60 වියට පා තබන මෙම නළුවා, දරුවන් ලැබීමේ සැලසුම් පිළිබඳව අදහස් දක්වමින් පවසා ඇත්තේ මා කිසි දිනෙක දරුවන් දරුකමට හදා ගැනීමට අදහස් නොකරන බවයි.
වසර කිහිපයකට පෙර ‘කෝෆී විත් කරන්’ (Koffee with Karan) වැඩසටහනේදී තමාටම “සදාකාලික කන්යාව” යන නාමය ලබා දුන් සල්මාන්, නව සම්මුඛ සාකච්ඡාවකදී ප්රකාශ කර ඇත්තේ තමා ඉතා ඉක්මනින්ම දරුවන් ලැබීමට සැලසුම් කරන බවයි.
“දරුවන්, මට දවසක ලැබෙනු ඇත. ඉක්මනින්ම…” ඔහු සඳහන් කර ඇත. කෙසේ වෙතත්, ඒ සඳහා නිශ්චිත කාලසීමාවක් විමසූ විට, ඔහු ඊට ප්රතිචාර දැක්වූයේ එය “දෙවියන්ගේ කැමැත්ත පරිදි” සිදුවනු ඇති බවයි.
තවද, දරුවන් හදා ගැනීමට අදහස් නොකරන බව දැඩිව කියා සිටි නළුවා වැඩිදුරටත් සඳහන් කළේ, තමාට දරුවන් සිටියහොත් ඔවුන් ඇති දැඩි කිරීමට වඩාත් සතුටු වන විශාල පවුලක් තමා සතුව සිටින බවයි.
මේ අතර, අමීර් ඛාන් සමඟ සහභාගී වූ ‘ටූ මච් විත් කාජෝල් ඇන්ඩ් ට්වින්කල්’ (Two Much with Kajol and Twinkle) හි පැවති කතාබහකදී, ට්වින්කල් ඛන්නා විසින් සල්මාන්ගේ “සදාකාලික කන්යාව” යන නාමය සම්බන්ධයෙන් විහිළුවක් කරමින් ඔහුට දරුවන් 12 දෙනෙකු සිටිය හැකි බවට සැක පළ කළා.
ඊට ප්රතිචාර දැක්වූ සල්මාන්, “මට දරුවන් සිටියා නම්, ඔබට දැනගන්නට ලැබෙනු ඇත” යනුවෙන් තරයේ කියා සිටියා.
බොලිවුඩයේ වැඩිම වැටුපක් ලබන නළුවන් අතර සිටින සල්මාන් ඛාන්, මේ දක්වා විවාහ වී නොසිටින අතර, ඔහුගේ මෙම ප්රකාශය බොලිවුඩ් රසිකයන් අතර වැඩි කතාබහට ලක්වනු ඇතැයි අපේක්ෂා කෙරෙනවා.
