2026 වන විට ශ්රී ලංකාවේ නෙළුම් කුළුණ දකුණු ආසියාවේ පළමු බංජි පැනීමේ (Bungee Jump) ආකර්ෂණයට සත්කාරකත්වය සපයනු ඇති අතර, ඒ අනුව එය කුළුණකින් ලොව උසම බංජි පැනීම බවට පත්වනු ඇති
ව්යුහාත්මක ඉංජිනේරුවන් සහ කුළුණේ තාක්ෂණික කණ්ඩායම අතර ගිවිසුමක් යටතේ ව්යාපෘතිය දැනට සැලසුම් කිරීමේ සහ ඉංජිනේරු අවධියේ පවතින බවයි වාර්තා වන්නේ.
නෙළුම් කුළුණ කළමනාකරණ සමාගමේ සභාපති ශිරන්ත පීරිස් මහතා පැවසුවේ සංචාරක ව්යාපාරය නංවාලීම සහ සංස්කෘතිය, තාක්ෂණය, වික්රමාන්විතය සහ විනෝදාස්වාදය සඳහා දකුණු ආසියාවේ ප්රමුඛතම ගමනාන්තය ලෙස කුළුණ ස්ථානගත කිරීම මෙහි අරමුණ බවයි.
ඒ අනුව එහිදී ආරක්ෂක පියවරයන්ට ප්රමුඛත්වය දෙන බවත්, ව්යාපෘතිය ක්රීඩා අමාත්යාංශය යටතේ නොව වාණිජමය ස්වභාවයක් ගන්නා බවයි ඔහු අවධාරණය කළේ.
මෙම දියත් කිරීම ජාත්යන්තර ත්රාසජනක සොයන්නන් ආකර්ෂණය කර ගැනීමට සහ ශ්රී ලංකාවේ වික්රමාන්විත සංචාරක අංශය ශක්තිමත් කිරීමට අපේක්ෂා කෙරෙනවා.
