මෙම සැප්තැම්බර් මාසයේ දී ඉතාලියේ සංචාරය කරන සහ ගමන් කරන පුද්ගලයින්ට ගුවන් ගමන්, දුම්රිය සහ දේශීය පොදු ප්‍රවාහන සේවාවන්ට බලපාන වැඩ වර්ජන මාලාවක් හේතුවෙන් බාධා ඇති විය හැකි බවට දැනුම් දෙනවා.

ඒ අනුව 2025 සැප්තැම්බර් මාසයේදී ඉතාලියේ අවධානයෙන් සිටිය යුතු ප්‍රධාන ප්‍රවාහන වැඩ වර්ජන ගැන තොරතුරු පහත පරිදි වනවා…

සැප්තැම්බර් 4-5: රට පුරා දුම්රිය වැඩ වර්ජනය

ට්‍රෙනිටාලියා, ඉතාලෝ සහ ට්‍රෙනෝර්ඩ් විසින් සේවයේ යොදවා ඇති දුම්රිය කාර්ය මණ්ඩලයේ පැය 21 ක වැඩ වර්ජනයක් හේතුවෙන් ඉතාලියේ දුම්රිය මගීන් සැප්තැම්බර් 4-5 දිනවල දුම්රිය සේවාවන්ට බාධා ඇති කරනු ති.

ඒ අනුව සැප්තැම්බර් 4 වන බ්‍රහස්පතින්දා 21.00 සිට සැප්තැම්බර් 5 වන සිකුරාදා 18.00 දක්වා පැවැත්වීමට නියමිත ජාතික වැඩ වර්ජනය කලාපීය සහ දිගු දුර දුම්රිය සේවාවන්ට බලපානු බවයි දැනුම් දෙන්නේ.

භාණ්ඩ ප්‍රවාහන දුම්රිය ද ඇතුළත් කාර්මික ආරවුල, සේවා කොන්දේසි සහ කොන්ත්‍රාත්තු සම්බන්ධයෙන් SGB, USB Lavoro Privato සහ PDM/PDB වෘත්තීය සමිති විසින් කැඳවා තිබෙනවා.

සැප්තැම්බර් 4: රෝමයේ දේශීය පොදු ප්‍රවාහන වැඩ වර්ජනය

සැප්තැම්බර් 4 වන බ්‍රහස්පතින්දා රාත්‍රී 08.30 සිට 12.30 දක්වා පැය හතරක වැඩ වර්ජනයක් හේතුවෙන් රෝමයේ මගීන්ට සහ සංචාරකයින්ට දේශීය පොදු ප්‍රවාහන සේවාවන්ට බාධා සිදුවිය හැකි බවට අපේක්ෂා කෙරෙනවා.

ඒ අනුව කාර්මික ක්‍රියාමාර්ගය නාගරික ප්‍රවාහන සැපයුම්කරු ATAC විසින් මෙහෙයවනු ලබන අගනුවර බස්, උමං මාර්ග සහ ට්‍රෑම් රථ සේවාවන්ට බලපානු ඇති.

සැප්තැම්බර් 6: ගුවන්තොටුපළ කාර්ය මණ්ඩලය සහ Easy Jet වැඩ වර්ජනය

සැප්තැම්බර් 6 වන සෙනසුරාදා දින බහු වෘත්තීය සමිති විසින් සංවිධානය කරන ලද ගුවන්තොටුපළ භූමි කාර්ය මණ්ඩලයේ පැය හතරක ජාතික වැඩ වර්ජනයක් සැලසුම් කර තිබෙනවා.

ඒ අනුව දහවල් සිට පස්වරු 4 දක්වා පැවැත්වීමට නියමිත මෙම වැඩ වර්ජනය ගුවන්තොටුපළ සේවා සහ ගුවන් ගමන් වලට බාධා ඇති කිරීමට හේතු විය හැකියි.

කෙසේවෙතත් ඉතාලියේ සිවිල් ගුවන් සේවා අධිකාරිය වන ENAC වැඩ වර්ජනයේ දිනයට ආසන්නව එහි වෙබ් අඩවියේ යාවත්කාලීන කිරීම් ලබා දෙනු ඇති.

එසේම සැප්තැම්බර් 6 වන දින, කාර්ය මණ්ඩල වැටුප් සහ සේවා කොන්දේසි සම්බන්ධයෙන් පවතින ආරවුලක කොටසක් ලෙස බ්‍රිතාන්‍ය අඩු වියදම් ගුවන් සේවයක් වන Easy Jet හි සේවයේ නියුතු නියමුවන් සහ කැබින් කාර්ය මණ්ඩලය විසින් පැය 24 ක වැඩ වර්ජනයක් පවත්වනු ඇති.

සැප්තැම්බර් 26: ගුවන්තොටුපළ කාර්ය මණ්ඩලය සහ වොලොටියා වැඩ වර්ජනය

සැප්තැම්බර් 26 වන සිකුරාදා පැය 24 ක වැඩ වර්ජනයක් හේතුවෙන් ඉතාලියට, ​​ඉන් පිටතට හෝ ඉතාලියේ පියාසර කරන මගීන්ට ගමන් බාධා ඇති විය හැකි බවට දන්වා තිබෙනවා.

ඒ අනුව CUB ට්‍රස්පෝර්ටි වෘත්තීය සමිතිය විසින් කැඳවන ලද රටපුරා විරෝධතාවයට ගුවන් සේවා සහ ගුවන්තොටුපළ භූමි කාර්ය මණ්ඩලය යන දෙකම සම්බන්ධ වීමට නියමිතයි.

ස්පාඤ්ඤ අඩු වියදම් ගුවන් සේවයක් වන airline Volotea විසින් සේවයේ යොදවා ඇති නියමුවන් සහ කැබින් කාර්ය මණ්ඩලය විසින් පැය 24 ක වැඩ වර්ජනයක් සමඟ මෙම වැඩ වර්ජනය සමගාමීව ක්‍රියාත්මක කරන බව ද පවසනවා.

එමෙන්ම ඉතාලියේ වැඩ වර්ජන අතරතුර 07.00-10.00 සහ 18.00-21.00 අතර නියමිත ගුවන් ගමන් සහතික කර ඇති බව ENAC ගුවන් මගීන්ට දැනුම් දෙනවා.