යුරෝපයේ ගමනාන්ත අතර ගුවන් ගමන් තවමත් දුම්රියෙන් ගමන් කිරීමට වඩා සැලකිය යුතු ලෙස ලාභදායී බව පාරිසරික ව්යාපාර කණ්ඩායමක් වන “ග්රීන්පීස්” සඳහන් කරනවා.
ඒ අනුව නව අධ්යයනයකින් පෙන්නුම් කරන්නේ ගුවන් ගමන් බොහෝ දේශසීමා මාර්ගවල දුම්රියෙන් ගමන් කිරීමට වඩා තවමත් ලාභදායී බවයි.
යුරෝපීය රටවල් 31 ක් පුරා මාර්ග 142 ක් විශ්ලේෂණය කිරීමෙන් හෙළි වී ඇත්තේ දේශසීමා මාර්ග 109 න් 54% ක දුම්රියවලට වඩා ගුවන් ගමන් ප්රධාන වශයෙන් ලාභදායී බවයි.
ග්රීන්පීස් කණ්ඩායම සොයාගන ඇත්තේ දේශසීමා මාර්ගවලින් 54% ක අවම වශයෙන් දින 9 න් 6 ක් පියාසර කිරීම ලාභදායී බවයි.
ඒ සඳහා ඔවුන් විවිධ කාල වෙන්කරවා ගැනීමේ කාල සීමාවන් හරහා, එක් එක් මාර්ගය සඳහා විවිධ දින 9 ක් සඳහා ගාස්තු පරීක්ෂා කර තිබෙනවා.
මධ්යම සහ නැගෙනහිර යුරෝපයේ – විශේෂයෙන් බෝල්ටික් සහ පෝලන්තයේ – දේශසීමා මාර්ග 29 (39%) ක පමණක් දුම්රිය සෑම විටම හෝ සෑම විටම පාහේ ලාභදායී වී තිබෙනවා.
ප්රංශයේ, ස්පාඤ්ඤයේ සහ එක්සත් රාජධානියේ, දේශසීමා මාර්ගවලින් 95% ක් දක්වා ගුවන් ගමන් වලට වඩා දුම්රිය මිල අධික බවයි ඔවුන්ගේ අධ්යනයේදී හෙළි වී ඇත්තේ.
ඔවුන් විසින් සොයාගත් වඩාත්ම ආන්තික උදාහරණයෙන් පෙන්නුම් කරන පරිදි දුම්රිය ගමන් සඳහා ගුවන් ගමන් වලට වඩා 26 ගුණයකින් වැඩි මුදලක් වැය විය හැකිය.
ඒ අනුව බාර්සිලෝනා සිට ලන්ඩන් දක්වා දුම්රියෙන් යුරෝ 389 ට සාපේක්ෂව ගුවන් යානයෙන් යාමේදී වැඩිපුර වැය වන්නේ යුරෝ 14.99 ක් පමණක් බවයි ඔවුන් පවසන්නේ.
