රෝමයේ කොලෝසියම් හි දී 56 හැවිරිදි ඉතාලි සංචාරක මාර්ගෝපදේශකයෙකු පුරාණ රංග ශාලාව වටා සංචාරකයින් පිරිසක් රැගෙන යමින් සිටියදී ඇද වැටීමෙන් මිය ගොස් තිබෙනවා.
ජියෝවානා මාරියා ජියමරිනෝ නම් පළපුරුදු මාර්ගෝපදේශකවරියක් වූ මෙම කාන්තාව, දහවල් කාලයේ දී ස්මාරකයේ පළමු ස්ථරයේ සංචාරයක් අතරතුර හදිසියේම රෝගාතුර වී තිබූ බවයි වාර්තා වන්නේ.
නරඹන්නන්ගෙන් සහ කොලෝසියම් කාර්ය මණ්ඩලයෙන් ක්ෂණික සහාය ලැබුණද, පරිපූරක වෛද්යවරුන් පැමිණෙන විටත් ඇය මෙළොව හැරගොස් තිබුණා.
“ඇයට උදව් කිරීමට මුලින්ම පැමිණියේ සංචාරකයින් දෙදෙනෙක්,” ලෙසයි බලපත්රලාභී සංචාරක මාර්ගෝපදේශකයින්ගේ සංගමය වන AGTA හි සභාපති ඉසබෙලා රගියෙරෝ පැවසුවේ.
“ඔවුන් CPR සිදු කිරීමෙන් ඇයව නැවත පණ ගැන්වීමට උත්සාහ කළා. මේ අතර, කොලෝසියම් පුරාවිද්යා උද්යානයේ කාර්ය මණ්ඩලය ඩිෆයිබ්රිලේටරයක් සමඟ පැමිණියද, අවාසනාවකට ඔවුන්ට කළ හැකි කිසිවක් තිබුණේ නැහැ. ජියෝවානා කිසි විටෙකත් සිහිය ලබා ගත්තේ නැහැ.ගිලන් රථය පැමිණෙන විටත් ඇය කණගාටුදායක ලෙස මිය ගොස් සිටි යා” ලෙසයි ඉසබෙලා වැඩිදුරටත් පැවසුවේ.
