මෙම ගිම්හානයේදී යුරෝපය නැවතත් දැඩි හා පුළුල් තාප තරංග මාලාවකින් ග්රහණය වී තිබෙනවා.
මෙම සතියේ පමණක්, නිරිතදිග ප්රංශය, ක්රොඒෂියාව සහ හංගේරියාව පුරා උෂ්ණත්ව වාර්තා බිඳ වැටී ඇති අතර, සමහර ප්රදේශ 40°C ට වඩා ඉහළ අගයන් වාර්තා වී තිබෙනවා.
ඒ අනුව දේශගුණික විපර්යාස තාප තරංග නිතර නිතර හා වඩාත් තීව්ර කරන බැවින්, මිනිසුන් සිසිල්ව සිටීමට උත්සාහ කරන විට බලශක්ති ඉල්ලුම ඉහළ යමින් පවතිනවා.
ඒ සමඟම, ඉහළ උෂ්ණත්වයන් විදුලි සැපයුම් අඩාල කරන අතර විශේෂයෙන් තාප බලාගාර වලින් – තාප ශක්තිය විදුලිය බවට පරිවර්තනය කරන බලාගාර වර්ගයක් – සිසිලනය සඳහා ගංගා ජලය මත රඳා පවතිනවා.
තාප තරංග මඟින් විදුලිබල ජාලය දැඩි ආතතියකට ලක් කරන බවයි විශේෂඥයින් අනතුරු අඟවන්නේ.
ඒ අනුව ග්රහලෝක උණුසුම් කරන පොසිල ඉන්ධන වළක්වා ගැනීම සඳහා බලශක්ති පද්ධති වහාම අනුවර්තනය විය යුතු බවත්, නම්යශීලී බව වැඩි කළ යුතු බවත්, පුනර්ජනනීය බලශක්තියට මාරු විය යුතු බවත් ඔවුහු පවසනවා.
මේ හේතුවෙන් විදුලිය ඇනහිටීම් හෝ ග්රහලෝක උණුසුම් කිරීමේ විමෝචනය වැඩි කිරීමකින් තොරව තාප තරංග සමඟ කටයුතු කිරීමේ අභියෝගයට ද රජයන් මුහුණ දෙන බවයි වාර්තා වන්නේ.
කෙසේවෙතත් ගිම්හාන උෂ්ණත්වය වේගයෙන් සාමාන්ය දෙයක් බවට පත්වෙමින් පවතින අතර, ඒ අනුව වායු සමීකරණ පද්ධති වඩ වඩාත් සුලභ දසුනක් බවට පත්වෙමින් තිබෙනවා.
යුරෝපයේ කාමර වායු සමීකරණ යන්ත්ර සංඛ්යාව 1990 දී මිලියන 7 කටත් වඩා අඩු සිට 2030 දී මිලියන 100 කටත් වඩා වැඩි වනු ඇතැයි පුරෝකථනය කර තිබෙනවා.
මෙම වැඩිවීම තිබියදීත්, වායු සමීකරණය තවමත් යුරෝපයේ ගෘහස්ථ බලශක්ති භාවිතයෙන් සියයට 0.6 ක් පමණ වනවා.
දත්තවලින් පෙනී යන්නේ ඉතාලිය විශාලතම වායු සමීකරණ භාවිතා කරන්නා බවයි.
යුරෝපයේ ඉහළම විදුලි මිල ගණන් තිබියදීත්, සාමාජික රටවල් 27 පුරා වායු සමීකරණ මගින් පරිභෝජනය කරන සියලුම විදුලියෙන් තුනෙන් එකක් එය වනවා.
දෙවන ස්ථානයේ සිටින්නේ ග්රීසිය වන අතර, පසුව ප්රංශය, ස්පාඤ්ඤය සහ ජර්මනියයි.
