සම සුදුවීමේ ආලේපන සම්බන්ධයෙන් සමාජ මධ්යයේ සිදුකරන කූඨ ප්රවර්ධනයන්වලට හසු නොවන ලෙස ජාතික විෂ තොරතුරු කාර්යාංශයේ ප්රධානී විශේෂඥ වෛද්ය දීප්ති ප්රනාන්දු පවසනවා.
“සුදු වෙමුද ලෙඩ වෙමුද” යන තේමාව ඔස්සේ සෞඛ්ය අමාත්යාංශය විසින් අද (15) දිනයේ සංවිධානය කර තිබූ දැනුම්වත් කිරීමේ මාධ්ය හමුවක දී විශේෂඥ වෛද්යවරිය මේ බව සඳහන් කළා.
එහිදී වෛද්යවරිය පැවසුවේ මෙවැනි ආලේපන භාවිතය තුළින් තමාගේ මුදල් වියදම්කර තමා ලෙඩ වෙන තත්ත්වයකට ඇතැමුන් පත්ව ඇති බවයි.
එමෙන්ම ඔන්ලයින් ඔස්සේ අලෙවිය සිදුකරන ඇතැම් මුහුණු ආලේපන සහ රසදිය වර්ග හේතුවෙන් ගැටලු රැසක් උද්ගත වී ඇති බවත් ඇය වැඩිදුරටත් සඳහන් කළා.
මේ අතර මෙවැනි ආලේපනවල අඩංගු මකරින්, ස්ටිරොඉඩ් වැනි රසායනික ද්රව්ය තුළින් වකුගඩු රෝග, දියවැඩියාව, ස්නායු ආබාධ මෙන්න ගැබිණි කාන්තාවන් මෙවැනි ආලේපන භාවිතය තුළින් බිහිවන දරුවා මන්ද බුද්ධික තත්ත්වයට පත්වීම වැනි භයානක ප්රථිපල අත්වෙන බව ද විශේෂඥ වෛද්යවරිය මෙහිදී පැවසුවා.
මේ අතර මෙවැනි ආලේපන හේතුවෙන් ජනතාවට සිදුවන හානිය වළක්වා ගැනීම සඳහා ලංකාව පුරාම ප්රවර්ධන කටයුතු මේ වනවිටත් සිදුකරන බවයි විශේෂඥ වෛද්ය දීප්ති ප්රනාන්දු වැඩිදුරටත් සඳහන් කර සිටියේ.
