ජනප්‍රිය ඉන්දියානු නිළි දීපිකා පදුකෝන් Instagram හි නව වාර්තාවක් පිහිටුවා තිබෙනවා.

ඒ අනුව Instagram හි වැඩිම පිරිසක් නරඹන ලද වීඩියෝව බවට ඇය විසින් අලුතින්ම නිකුත් කළ Reel වීඩියෝව පත්ව ඇති අතර එය බිලියන 1.9 කට වඩා නැරඹුම් සංඛ්‍යාවක් නරඹා තිබෙනවා.

හිල්ටන් හෝටල් ජාලය සමඟ ගෙවන ලද හවුල්කාරිත්වයක කොටසක් ලෙස ජුනි 9 වන දින පළ කරන ලද මෙම රීලය, Instagram හි පෙර සියලුම නරඹන්නන්ගේ වාර්තා අභිබවා ගොස් තිබෙන බව ද සඳහන්.

මෙම වීඩියෝව “It Matters Where You Stay” යන මාතෘකාව යටතේ හිල්ටන්ගේ ගෝලීය ව්‍යාපාරයේ කොටසක් වන අතර එහි දීපිකා පදුකෝන් සන්නාම තානාපතිවරයෙකු ලෙස සේවය කරනවා.

මෙම Reel වීඩියෝව මාස දෙකකටත් අඩු කාලයකදී මෙම සන්ධිස්ථානය අත්කර ගත් අතර, හර්දික් පාණ්ඩ්‍යා සහ ක්‍රිස්ටියානෝ රොනාල්ඩෝ ඇතුළු අනෙකුත් ඉහළ පෙළේ පුද්ගලයින්ගේ අන්තර්ගතයන් අභිබවා ගොස් තිබීම විශේෂත්වයක්.

මෙයට පෙර, වැඩිපුරම නරඹන ලද රීල් අතරට පාණ්ඩ්‍යාගේ BGMI හවුල්කාරිත්ව වීඩියෝව බිලියන 1.6 ක නැරඹුම් සංඛ්‍යාවක් සහ ස්මාර්ට් ජංගම දුරකතනයක් සඳහා බිලියන 1.4 ක ප්‍රවර්ධන වීඩියෝවක් ඇතුළත් වුණා.