ශ්රී ලංකාවේ සංස්කෘතික අරමුදලට අයත් ව්යාපෘති වයස අවුරුදු 18ට අඩු දරුවන්ට නොමිලේ නැරඹීමේ අවස්ථාව ලබාදීමට රජය තීරණය කර තිබෙනවා.
ඒ අනුව මධ්යම සංස්කෘතික අරමුදලේ පාලක මණ්ඩලය විසින් අදාළ යෝජනාවට අනුමැතිය ලබාදී ඇති බවයි වාර්තා වන්නේ.
දේශීය දරුවන් අතර සංස්කෘතික උරුමයන් පිළිබඳ ඇගයීමක් ඇති කිරීම සහ ජාතික උරුමයන් සහ ස්ථාන පිළිබඳ දැනුවත්භාවය වර්ධනය කිරීම මෙහි මූලික අරමුණ බව නියෝජ්ය අමාත්ය ගමගෙදර දිසානායක මහතා පවසනවා.
ඒ අනුව සීගිරිය, යාපහුව, දඹුල්ල ඇතුළු මධ්යම සංස්කෘතික අරමුදලට අයත් පුරාවිද්යාත්මක වටිනාකමකින් යුත් ස්ථාන 26ක් ප්රවේශ පත්ර රහිතව ළමුන්ට නැරඹීමේ අවස්ථාව හිමිවනවා.
මෙයට සමගාමීව විදේශීය ළමුන් සඳහා ද සීමිත කොන්දේසී යටතේ අදාළ ස්ථාන සඳහා ඇතුළු වීමේ අවසර පත්ර නිකුත් කිරීමට තීරණය කර ඇති බව බුද්ධශාසන, ආගමික සහ සංස්කෘතික කටයුතු නියෝජ්ය අමාත්ය ගමගෙදර දිසානායක මහතා සඳහන් කළා.
