කාශ්මීර් ත්රස්ත ප්රහාරයට ප්රතිචාර දක්වමින් ඉන්දීය රජය විසින් අත්හිටුවනු ලැබූ ඉන්දුස් ජල ගිවිසුම යළි විවෘත කරන ලෙස පාකිස්තාන රජය දිගින් දිගටම ඉල්ලීම් කරමින් සිටින බව විදෙස් මාධ්ය වාර්තා කරනවා.
ඒ අනුව ජල ගිවිසුම අත්හිටුවීමෙන් පාකිස්තානයේ ප්රාන්ත රැසක ගොවි ප්රජාව මුහුණ පා සිටින දුෂ්කරතා සැලකිල්ලට ගෙන එම තීරණය නැවත සලකා බලන ලෙස ඉල්ලා පාකිස්තානයේ ජල සම්පත් අමාත්යාංශයේ ලේකම් සයිඩ් අලි මුර්ටසා විසින් ඉන්දියාවේ ජල සම්පත් අමාත්යාංශයට ලිපි 4ක් යොමු කර තිබෙන බවයි විදෙස් මාධ්ය වැඩිදුරටත් වාර්තා කළේ.
1960 වසරේදී දෙරට අතර අත්සන් තැබූ එම ගිවිසුම අත්හිටුවීමට ඉන්දියාව ගත් තීරණය ඒකපාර්ශ්වික හා නීති විරෝධී බව පාකිස්තාන ජල සම්පත් අමාත්යංශයේ ලේකම්වරයා එම ලිපි මගින් අවධාරණය කර තිබෙන බවත් සඳහන්.
දශක ගණනාවක් පුරා පවතින දේශසීමා ත්රස්තවාදය නොසලකා හරිමින් ජල අයිතිවාසිකම් වෙනුවෙන් එවැනි චෝදනා එල්ල කිරීම සදාචාර විරෝධී බව ඉන්දියාවේ අදහස වී ඇතැයි ද, පාකිස්තානය දේශසීමා ත්රස්තවාදයට සහාය දීම ප්රතික්ෂේප කරනතුරු ජල ගිවිසුම අත්හිටුවීම ඉන්දියාවේ ස්ථාවරය වී ඇතැයි ද වාර්තා වනවා.
