අමෙරිකානු ජනාධිපති ඩොනල්ඩ් ට්‍රම්ප්ට සහ ලොව ධනවත්ම මිනිසා ලෙස සැළකෙන ඊලෝන් මස්ක්ට එරෙහිව අමෙරිකාවේ විරෝධතා රැසක් පැවැත්වෙන බව විදෙස් මාධ්‍ය වාර්තා කරනවා.

ඒ අනුව අමෙරිකාවේ ප්‍රාන්ත 50 ම ඇතුළත් වන පරිදි ස්ථාන 1,200 ක ඊයේ (05) දිනයේදී අමෙරිකානු ජනාධිපතිවරයාට සහ ඊලොන් මස්ක්ට එරෙහිව විරෝධතා සහ පෙළපාලි පවත්වා ඇති බවයි එම මාධ්‍ය වාර්තාවල සඳහන්ව ඇත්තේ.

ජනපති ට්‍රම්ප් ගේ තීරු බදු පැනවීම් ඇතුළු ක්‍රියාකලාපය හේතුවෙන් අමෙරිකාවට සාමාජිය සහ ආර්ථික ගැටළු ඇතිවිය හැකි බවටයි එම විරෝධතාකරුවන්ගේ අදහස වී ඇත්තේ.

විරෝධතාකරුවන් පවසා ඇත්තේ අමෙරිකානු ආර්ථිකය කඩා වැටීමත්, ඩොලර් ට්‍රිලියන 06 කට ආසන්න ධනයක් විනාශ කිරීමට අමෙරිකානු ජනපතිවරයා කටයුතු කරමින් සිටින බවයි.

එමෙන්ම අමෙරිකානු රජය බිලියනපතියෙකු විසින් අත්පත් කරගනිමින් සිටින බවටයි විරෝධතාකරුවන් චෝදනා කරන්නේ.