උතුරු ඉතාලියේ බ්රෙසියා නගරයේ කෞතුකාගාර නරඹන්නෙකුගේ පය පැටලී කලා කෘති මත වැටීමෙන් එයට හානි වී තිබෙනවා.
එය 16 වන සියවසේ පුනරුද චිත්ර ශිල්පි මොරෙටෝ විසින් අඳින ලද සිතුවමක් බවයි වාර්තා වන්නේ.
යුනෙස්කෝ උරුම අඩවියක් වන Santa Giulia කෞතුකාගාර සංකීර්ණයේ පුනරුදයේ කෘති ප්රදර්ශනයක් අතරතුර මෙම අනතුර සිදුව ඇති බව ප්රාදේශීය පුවත්පතක් වන Bresciaoggi වාර්තා කළා.
බ්රෙසියාගේ පුනරුදයේ එකතුවේ මූලික අංගයක් ලෙස විස්තර කර ඇති මෙම කලා කෘතියේ එක් පැත්තකින් හඳුනා නොගත් සාන්තුවරයන් දෙදෙනෙකු ද අනෙක් පැත්තෙන් කන්යා මරිය තුමී ගෝලයන් දෙදෙනකු ද දක්නට ලැබෙනවා.
මොරෙටෝ ඩා බ්රෙසියා, ඔහුගේ සැබෑ නම Alessandro Bonvicino (c.1498-1554), ඔහුගේ බොහෝ වැඩ කටයුතු සිදු කළේ ඔහුගේ උපන් බ්රෙසියා හි සහ ආසන්න ඉතාලි නගරවල පල්ලිවලයි.
මෙම සිතුවමට යුරෝ දහස් ගණනක හානියක් සිදුවී ඇති අතර, එය රක්ෂණයෙන් ආවරණය වන බව වාර්තා වන අතර, එය ප්රතිසංස්කරණ ක්රියාවලියකට භාජනය කිරීමට නියමිතයි.
කෙසේවෙතත් සිද්ධිය සම්බන්ධයෙන් කෞතුකාගාර බලධාරීන් පරීක්ෂණ පවත්වමින් සිටින නමුත් හානිය සිදු කළ කාන්තාවට එරෙහිව නීතිමය ක්රියාමාර්ග ගැනීමට සැලසුම් කර නොමැති බවයි වාර්තා වන්නේ.
අමරිකානු සංචාරකයෙකු ගැලරියා බෝර්ගීස් හි පැවති ප්රදර්ශනයකදී බැරොක් මාස්ටර් ගයිඩෝ රෙනිගේ සිතුවමකට එරෙහිව වැටීමෙන් 2022 දී රෝමයේ ද එවැනිම සිදුවීමක් සිදු වුණා.
