Coca -Cola සමාගම යුරෝපීය වෙළඳපොළෙන් තම නිෂ්පාදන විශාල ප්රමාණයක් ආපසු කැඳවීමේ (Recall) ක්රියාමාර්ගයක නිරත වී සිටින බව විදෙස් මාධ්ය වාර්තා කරනවා.
මෙයට හේතු වී ඇත්තේ ක්ලෝරේට් රසායනික ද්රව්යයේ අධික මට්ටමක් නිෂ්පාදනවල අඩංගු වී තිබීමයි.
මෙම රසායනික ද්රව්යය ක්ලෝරීන් විෂබීජහරණ ක්රියාවලියේදී සාමාන්යයෙන් ඇතිවන අතුරු ඵලයක් වනවා.
2024 නොවැම්බර් මාසයේ සිට බෙල්ජියම්, නෙදර්ලන්තය, ජර්මනිය, ප්රංශය සහ ලක්සම්බර්ග් යන රටවල අලෙවි කර ඇති කෝක්, ස්ප්රයිට් සහ ඇපල්ටයිසර් වැනි පාන වර්ග මෙම ආපසු කැඳවීමට ලක්ව තිබෙනවා.
ක්ලෝරේට් මට්ටම් සම්බන්ධයෙන් ගත් කල, මෙම රසායනික ද්රව්යයේ ඉහළ මට්ටම විශේෂයෙන් අයඩීන් ඌනතාවයෙන් පෙළෙන දරුවන්ට සෞඛ්ය අවදානමක් ඇති කළ හැකියි.
කෙසේ වෙතත්, ස්වාධීන විශ්ලේෂණ වාර්තා පෙන්වා දෙන්නේ මෙම නිෂ්පාදන පරිභෝජනය කිරීමෙන් වහා ඇතිවිය හැකි සෞඛ්ය අවදානම් අවම බවයි.
එහෙත් සමාගම පූර්වාරක්ෂක පියවරක් ලෙස මෙම ආපසු කැඳවීම සිදු කරන බව සඳහන්.
බලපෑමට ලක්වූ නිෂ්පාදන අතර කෝක් සහ ෆියුස් ටී ඇතුළු විවිධ වර්ගවල කෑන් සහ වීදුරු බෝතල් ඇතුළත් වන අතර, මේවායේ නිෂ්පාදන කේත අංක 328 GE සිට 338 GE දක්වා පරාසයක පවතිනවා.
Coca -Cola යුරෝපැසිෆික් පාර්ට්නර්ස් ආයතනය පවසන පරිදි, බලපෑමට ලක්වූ නිෂ්පාදන බොහොමයක් දැනටමත් වෙළඳසැල් රාක්කවලින් ඉවත් කර තිබෙන අතර පාරිභෝගික ආරක්ෂාව තහවුරු කිරීම සඳහා ඔවුන් සෞඛ්ය අධිකාරීන් සමඟ සක්රීයව සහයෝගයෙන් කටයුතු කරනවා.
මෙම සිද්ධියට පෙර, 2024 ඔක්තෝබර් මාසයේදී සීනි රහිත මිනිට් මේඩ් ලෙමනේඩ් කෑන් 13,000කට වැඩි ප්රමාණයක් ආපසු කැඳවීමක් සිදු කෙරුණා.
එයට හේතු වූයේ නිෂ්පාදනයේ සීනි ප්රමාණය වැරදි ලෙස ලේබල් කර තිබීමයි.
1892 දී ස්ථාපිත Coca -Cola සමාගම, මූලික වශයෙන් මත්පැන් නොවන පාන වර්ග නිෂ්පාදනය සහ අලෙවිකරණය සිදු කරන ප්රමුඛ ඇමරිකානු බහුජාතික සංස්ථාවක් වනවා.
Coca -Cola, කෝලා පාන වර්ගයක් ලෙස වර්ගීකරණය කර ඇත්තේ එහි සුවිශේෂී රසය කොකා කොළ සහ කෝලා ගෙඩි යන මූලික අමුද්රව්යවලින් ලබා ගැනීම හේතුවෙන්.
මුල් කාලීන සූත්රයේ කොකේන් අඩංගු වූ නමුත්, නීති රෙගුලාසි සහ මහජන හැඟීම් වෙනස්වීමත් සමඟ පසුව එය ඉවත් කරනු ලැබුවා.
Coca -Cola සමාගම සිරප් සාන්ද්රණය නිෂ්පාදනය කර එය බෝතල් කරන්නන්ට විකුණන අතර, ඔවුන් එය ජලය සහ පැණි රස කාරක සමඟ මිශ්ර කර අවසාන නිෂ්පාදනය සකසනවා.
මෙම ආකෘතිය නිසා ප්රාදේශීය රුචිකත්වයන්ට අනුකූලව නිෂ්පාදනය කිරීමේ හැකියාව ලැබී තිබෙනවා.
2025 ජනවාරි වන විට, Coca -Cola රටවල් 200කට වැඩි සංඛ්යාවක නිෂ්පාදන අලෙවි කරමින් ගෝලීය පාන වෙළඳපොළේ ප්රමුඛ ස්ථානයක් දරනවා.
Coca -Cola සමාගම ඩොලර් බිලියන 275ක පමණ වෙළඳපොළ ප්රාග්ධනීකරණයක් වාර්තා කර ඇති අතර, පලතුරු යුෂ, තේ ඇතුළු නව නිෂ්පාදන හඳුන්වා දෙමින් පාන අංශයේ නවෝත්පාදනයන් සිදු කරනවා.
