චීන – අමරිකානු තාක්ෂණ සහයෝගීතාවේ මූලික හරය අන්‍යෝන්‍ය ජයග්‍රහණ ලැබීම බව චීනය පවසනවා.

චීන විදේශ අමාත්‍යාංශ ප්‍රකාශක Lin Jian මහතා අද (16) දින පැවති නිත්‍ය මාධ්‍ය හමුවේදී මේ බව ප්‍රකාශ කළා

චීන – අමරිකානු තාක්ෂණ සහයෝගීතා ගිවිසුම දිර්ඝ කිරීම සම්බන්ධයෙන් මාධ්‍යවේදීයෙකු නැඟූ ප්‍රශ්නයකට පිළිතුරු දෙමින්.

පසුගිය 13 වනදා දෙරට නියෝජිතයින් බෙයිජිං හිදී අදාළ අවබෝධතා ගිවිසුම හුවමාරු කර අත්සන් කරමින් “චීන – අමරිකානු තාක්ෂණ සහයෝගිතා ගිවිසුම ” 2024 වසරේ අගෝස්තු 27 වනදා සිට ඉදිරි වසර 5ක් දක්වා දීර්ඝ කළා.

“චීන – අමරිකානු තාක්ෂණ සහයෝගිතා ගිවිසුම ” දීර්ඝ කිරීම, දෙරට නායකයන්ගේ හමුවීමේදී එළඹුණු එකඟතාවන් ක්‍රියාත්මක කිරීමේ වැදගත් පියවරක්.

එය දෙරටේම ජනතාවගේ ජයග්‍රහණයන්ට අනුකූල වන අතර ජගත් ප්‍රජාවේ අපේක්ෂාවන්ට ද ගැලපෙන බව Lin Jian මහතා සඳහන් කළා.

අදාළ ගිවිසුම වඩාත් ප්‍රායෝගිකව ක්‍රියාත්මක කර, චීන – අමරිකානු තාක්ෂණ සහයෝගිතාව තුළින් ලබා ගන්නා ජයග්‍රහණ දෙරටට මෙන්ම සමස්ත ලෝකයටම ප්‍රතිලාභ ලබා දීම සඳහා අමරිකාව චීනය සමඟ එක්ව කටයුතු කිරීම චීනයේ අපේක්ෂාව බවයි Lin Jian මහතා ප්‍රකාශ කළේ.