අයහපත් කාලගුණයත් සමග බණ්ඩාරවෙල ප්‍රදේශයේ දී බැම්මක් කඩා වැටීමෙන් සිදුවූ අනතුරකින් කාන්තාවක් මියගොස් තිබේ.
බදුල්ල ආපදා කළමනාකරණ මධ්‍යස්ථානය පැවසුවේ අද (26) පෙරවරු 7ට පමණ එම අනතුර සිදුව ඇති බවය.
අනතුරින් මියගොස් ඇත්තේ 61 හැවිරිදි බණ්ඩාරවෙල ප්‍රදේශයේ පදිංචිව සිටි කාන්තාවකි.
මළසිරුර බණ්ඩාරවෙල රෝහලේ තැන්පත් කර ඇති අතර බණ්ඩාරවෙල පොලීසිය මේ සම්බන්ධයෙන් වැඩිදුර විමර්ශන ආරම්භ කර තිබේ.
