ශ්‍රී ලංකා ජාතික ක්‍රිකට් කණ්ඩායමේ තාවකාලික උපදේශක පුහුණුකරු ලෙස, දකුණු අප්‍රිකානු හිටපු ක්‍රීඩක නීල් මැකෙන්සි පත් කර තිබෙනවා.
ඒ අනුව ඔහු ඊයේ රාත්‍රියේ දකුණු අප්‍රිකාව බලා පිටත්ව ගිය ශ්‍රී ලංකා ක්‍රීඩකයින් පිරිසක් සමඟ දකුණු අප්‍රිකාව සමග පැවැත්වීමට නියමිත තරග දෙකකින් සමන්විත ටෙස්ට් තරගාවලියට පෙර පූර්ව තරග කඳවුරකට සහභාගි වීමට නියමිතයි.
ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා පැවසුවේ “ශ්‍රී ලංකා ක්‍රීඩකයින්ට අභියෝගයට අනුවර්තනය වීමට දකුණු අප්‍රිකානු තත්ත්වයන් පිළිබඳ වැදගත්, ගැඹුරු අවබෝධයක් මැකෙන්සි විසින් ගෙන එනු ඇති බවයි.
දකුණු අප්‍රිකාව වෙනුවෙන් ජාත්‍යන්තර ලකුණු 5,000කට ආසන්න ප්‍රමාණයක් ලබා ගත් හිටපු දකුණු අප්‍රිකානු පිතිකරු නොවැම්බර් 13 වැනිදා සිට 21 වැනිදා දක්වා ශ්‍රී ලංකා ක්‍රීඩකයන් සමඟ කටයුතු කිරීමට නියමිතයි.
