ශ්‍රී ලංකාවට කිසිඳු සංචාරක තහනමක් පනවා නොමැති බව මෙරට අමෙරිකානු තානාපති ජූලි ජේ චන්ග් පවසනවා.
කොළඹ පැවැති වැඩසටහනකට එක්වෙමින් ඇය මේ බව සඳහන් කළා.
එමෙන්ම අමෙරිකානු ජාතිකයින්ට ආරුගම්බේ ප්‍රදේශයට සංචාරය කිරීමේදී විමසිලිමත් වන ලෙසට පමණක් උපදෙස් ලබාදී ඇති බව ද තානාපතිනිය කියා සිටියා.
ඒ අනුව ශ්‍රී ලංකාව සඳහා වන ආරක්ෂක උපදේශනය ප්‍රංශය, ඉතාලිය සහ මාලදිවයින වැනි ජනප්‍රිය ගමනාන්තවලට සමානව 2 වැනි මට්ටමේ පවතින බවයි ශ්‍රී ලංකාවේ එක්සත් ජනපද තානාපතිනී ජූලි ජේ චන්ග් පවසන්නේ.
