ජාත්‍යන්තර මැතිවරණ නිරීක්ෂණ සංවිධානවල නියෝජිතයින් 116 දෙනෙකු ජනාධිපතිවරණය නිරීක්ෂණය සඳහා මේ වනවිට ශ්‍රී ලංකාවට පැමිණ තිබෙනවා.
ඉන් 78 දෙනෙකු යුරෝපා සංගම් මැතිවරණ නිරීක්ෂකයින් බවයි ජාතික මැතිවරණ කොමිෂන් සභාව සඳහන් කළේ.
පොදු රාජ්‍ය මණ්ඩලීය නිරීක්ෂකයින් 22 දෙනෙකු ද මේ වන විට ශ්‍රී ලංකාවට පැමිණ සිටිනවා.
ආසියානු මැතිවරණ නිරීක්ෂණ ජාලය නියෝජනය කරමින් පැමිණ ඇති නිරීක්ෂකයින් සංඛ්‍යාව 9 ක්.
මේ අතර, මැතිවරණ කොමිසමේ ආරාධනය මත දකුණු ආසියානු කලාපීය රටවල නියෝජිතයින් 7 දෙනෙකු ද මෙවර මැතිවරණ නිරීක්ෂණ ක්‍රියාවලිය සඳහා පැමිණි බවයි ජාතික මැතිවරණ කොමිසම සඳහන් කළේ.
ඔවුන් මැතිවරණ නිරීක්ෂණ කටයුතු සඳහා දිස්ත්‍රික්ක 25 සඳහා පිටත්ව ගොස් ඇති බව එම කොමිසම පැවසුවා.
එම නිලධාරින්ගේ ආරක්ෂාව සම්බන්ධයෙන්ද සියලුම පොලිස් ස්ථාන දැනුවත් කර ඇති බව මැතිවරණ කොමිසම සඳහන් කළා.
