බිබිල – අම්පාර ප්‍රධාන මාර්ගයේ නාගල ප්‍රදේශයේදී බස් රථ දෙකක් එකිනෙක ගැටීමෙන් පුද්ගලයින් 47 දෙනෙකු තුවාල ලබා තිබෙනවා.
ලංගම බස් රථයක් ඇඟලුම් කම්හල් සේවකයින් පිරිසක් ප්‍රවාහනය කරන බස් රථයක ගැටීමෙන් අනතුර සිදුව ඇති බවයි පොලිස් මාධ්‍ය ප්‍රකාශක, නියෝජ්‍ය පොලිස්පති නීතිඥ නිහාල් තල්දූව මහතා සඳහන් කළේ.
තුවාලකරුවන් බිබිල මූලික රෝහලට ඇතුළත් කෙරුණා.
ඒ අතර, පාසල් සිසුවෙකු ද වනවා.
තුවාලකරුවන්ගෙන් එක් අයෙකුගේ තත්ත්වය බරපතළ බවත් සිද්ධිය සම්බන්ධයෙන් ලංගම බස් රථයේ රියදුරු අත්අඩංගුවට ගත් බවත් පොලිස් මාධ්‍ය ප්‍රකාශකවරයා වැඩිදුරටත් සඳහන් කළා.
PHOTO COURTESY: Accident Frist
