2026 සඳහා ඇපල් සිය නිෂ්පාදන අවධානය ඉහළ මට්ටමේ iPhone මාදිලි තුනකට මාරු කරමින් සිටින අතර, එහි පළමු නැමිය හැකි iPhone ද ඇතුළුව, සම්මත iPhone 18 දියත් කිරීම 2027 මුල් භාගය දක්වා ප්රමාද කරන බව සිකුරාදා Nikkei Asia වාර්තා කළේය.
ඒ අනුව 2026 දෙවන භාගයේදී එක්සත් ජනපද තාක්ෂණික සමාගම නවීකරණය කරන ලද කැමරා සහ විශාල සංදර්ශක සහිත නැමිය නොහැකි ප්රමුඛ පෙළේ මාදිලි දෙකක් සමඟ නැමිය හැකි උපාංගය එළිදැක්වීමට අපේක්ෂා කෙරේ.
මෙම තීරණය සංශෝධිත අලෙවිකරණ උපාය මාර්ගයක සහ සැපයුම් දාම සීමාවන්ට ප්රතිචාර දැක්වීමේ කොටසක් බව වාර්තාව එම පවසයි.
මෙමරි චිප් සහ අනෙකුත් ද්රව්ය සඳහා ඉහළ යන පිරිවැය මධ්යයේ සම්පත් වෙන් කිරීම ප්රශස්ත කිරීම සහ ලාභදායීතාවය ඉහළ නැංවීම ඇපල් මේ හරහා අරමුණු කරන බවයි වාර්තා වන්නේ.
එමෙන්ම මෙම ප්රමාදය හේතුවෙන් එහි නැමිය හැකි උපාංගය සඳහා අවශ්ය සංකීර්ණ නිෂ්පාදන ක්රියාවලියට සම්බන්ධ නිෂ්පාදන අවදානම් අඩු කිරීමට ද උපකාරී වේ.
“සැපයුම් දාම සුමටතාවය මෙම වසර සඳහා ප්රධාන අභියෝගවලින් එකක් වන අතර අලෙවිකරණ උපාය මාර්ග වෙනස ද තීරණයට දායක විය,” iPhone සැපයුම්කරුවෙකුගේ විධායක නිලධාරියෙක් Nikkei Asia වෙත පැවසීය.
