එක්සත් ජනපදයේ ජ්යෙෂ්ඨ නීති සම්පාදකයින් පිරිසක් විමර්ශන වාර්තාවක් හරහා චීනයට චෝදනා කර තිබේ.
ඒ නීතිවිරෝධී, වාර්තා නොකළ සහ නියාමනය නොකළ මසුන් ඇල්ලීමේ ක්රම භාවිත කරන ලොව විශාලතම අපරාධකරු චීනය බව පවසමින්.
එමගින් ඔවුන් පවසා ඇත්තේ චීනයේ ක්රියාකාරකම් ගෝලීය ආහාර ආරක්ෂාවට, සමුද්ර පරිසර පද්ධතිවලට සහ එක්සත් ජනපද ජාතික ආරක්ෂාවට බරපතල තර්ජනයක් එල්ල කරන බවයි.
චීනය ලොව විශාලතම දුරස්ථ ජල ධීවර බලඇණිය ක්රියාත්මක කරන බවත්, යාත්රා 16,000 කට වඩා ඇතුළත් වන බවටත් ඇස්තමේන්තු කර තිබේ.
එමෙන්ම ඒවා අනෙකුත් රටවල් බිය ගැන්වීමට, සමුද්ර සම්පත් ඉවත් කිරීමට සහ ගෝලීය මුහුදු ආහාර සැපයුම් දාමයන් මත ආධිපත්යය දැරීමට භාවිතා කරන බවට ද අමෙරිකාව චෝදනා එල්ල කරයි.
විමර්ශනයට අනුව, චීනයේ දුරස්ථ ජල බලඇණිය ධීවර මෙහෙයුම් සඳහා බාධාවක් ලෙස භූගෝලීය දුර ඉවත් කරන රාජ්ය-මෙහෙයවන පද්ධතියක් ලෙස ක්රියා කරන බවද සඳහන්.
බීජිනයේ චීන පාලිත මධ්යස්ථාන හරහා ගෝලීය මුහුදු ආහාර සැකසීම ඒකාධිකාරී කර ඇති බවත්, රාජ්ය සහනාධාර හරහා ස්ථිර පිරිවැය වාසියක් නිර්මාණය කර ඇති බවත්, චීන පාලිත සැපයුම් දාමයන් මත ඇමරිකානු යැපීම වැඩි කරන අතරම එක්සත් ජනපද සැකසුම් ධාරිතාව අඩපණ කිරීම සඳහා මුහුදු ආහාර වෙළඳපොළවල් හසුරුවා ඇති බවත් එම වාර්තාවේ සඳහන්.
