ඉන්දියාවේ විදේශ විනිමය සංචිතය වාර්තාගත අයුරින් ඉහළ ගොස් තිබෙන බව එරට මාධ්ය වාර්තා පවසයි.
ඒ අමෙරිකානු ඩොලර් බිලියන 687.2ක් දක්වායි.
එම අගය පෙන්නුම් කර ඇත්තේ පසුගිය 9 වැනිදායින් අවසන් වූ සතිය ඇතුළත ඉන්දීය විදේශ විනිමය සංචිතය ඩොලර් මිලියන 392කින් වර්ධනය වීමෙන් පසුවයි.
ඉන්දීය මහ බැංකුවේ නවතම වාර්තාවලට අනුව එරට රන් සංචිතය ද ඩොලර් බිලියන 112.83 දක්වා වර්ධනයක් පෙන්නුම් කරන අතර, මෑත කාලයේදී ලෝක වෙළෙඳපොළේ රන් මිල තියුණු ලෙස ඉහළ යෑම ඊට හේතු වී ඇතැයි ද වාර්තා වේ.
ඉන්දීය විදේශ විනිමය සංචිතය ඉහළ යෑම සඳහා ගෝලීය අවිනිශ්චිත තත්වය සහ ශක්තිමත් ආයෝජන ඉල්ලුම වර්ධනය වීම ද බලපා තිබේ.
පසුගිය දෙසැම්බරයේ මුල් භාගයේදී පැවති මුදල් ප්රතිපත්ති සමාලෝචන රැස්විමකින් පසුව ඉන්දීය මහ බැංකුව සඳහන් කර ඇත්තේ එරට විදේශ විනිමය සංචිතය වෙළෙඳ භාණ්ඩ ආනයනය සඳහා මාස 11කට වැඩි කාලසීමාවකට ප්රමාණවත් වන බවයි.
2024 වසරට සාපේක්ෂව පසුගිය වසරේදී එරට විදේශ විනිමය සංචිතය ඩොලර් බිලියන 56කින් වර්ධනය වූ බවද ඉන්දීය මහ බැංකුව වැඩිදුරටත් පවසයි.
