ඉන්දුනීසියානු පුද්ගලයින් 11 දෙනෙකු සමග අතුරුදහන් වී ඇති බව විදෙස් මාධ්‍ය වාර්තා කරයි.

මෙසේ අතුරුදන් වී ඇත්තේ සමුද්‍ර කටයුතු සහ ධීවර අමාත්‍යාංශය (Ministry of Marine Affairs and Fisheries) යටතේ ක්‍රියාත්මක වූ ATR 42-500 වර්ගයේ ගුවන් යානයක්.

මැකස්සාර් (Makassar) නගරයට ආසන්න ප්‍රදේශයකදී මෙම යානය අතුරුදහන්ව ඇති අතර, ඊට ආසන්න කඳුකර ප්‍රදේශයක යානයේ සුන්බුන් විසිරී ඇති ආකාරය දැක්වෙන වීඩියෝ දර්ශන මේ වනවිට සමාජ මාධ්‍ය ඔස්සේ සංසරණය වෙමින් පවතින බවයි එම මාධ්‍ය වාර්තාවේ සඳහන්.

මෙම ATR 42-500 දරන ගුවන් යානය යෝගjakarta (Yogyakarta) සිට දකුණු සුලවේසි හි මැකස්සාර් (Makassar) දක්වා ගමන් කරමින් තිබියදී ගුවන් පාලක මැදිරිය සමඟ තිබූ සබඳතා බිඳ වැටී තිබේ.

අනතුර සිදුවන අවස්ථාවේ යානය තුළ කාර්ය මණ්ඩලය සහ මගීන් ඇතුළුව පුද්ගලයින් 11 දෙනෙකු ගමන් කරමින් සිටි බව ඉන්දුනීසියානු බලධාරීන් තහවුරු කර තිබේ.

යානය අතුරුදහන් වූ බවට සැක කෙරෙන මැකස්සාර් සහ මාරොස් (Maros) දිස්ත්‍රික්කයට අයත් ලියැං-ලියැං (Leang-Leang) ප්‍රදේශයේ සෝදිසි මෙහෙයුම් මේ වන විට ආරම්භ කර ඇති බවයි එම මාධ්‍ය වාර්තාවේ සඳහන්.