අළු බඳුන ක්රිකට් තරගාවලියේ 5 වැනි සහ අවසන් ටෙස්ට් තරගයේදී නොදැවුණු ශතකයක් රැස් කරමින් ඔස්ට්රේලියානු පිල ප්රබල තත්වයකට ගෙනයෑමට නායක ස්ටීව් ස්මිත් සමත් විය.
සිය ටෙස්ට් දිවියේ 37 වැනි ශතකය වාර්තා කිරීමට සමත් වූ ස්මිත් තරගයේ තෙවැනි දිනය නිමා වන විට පන්දු 205කදී හතරේ පහර 15ක් සහ හයේ පහරක් සමඟ ලකුණු 129ක් රැස් කරමින් නොදැවී කඩුල්ලේ රැඳී සිටියේය.
මේ ශතකය සමඟ ලෝක ටෙස්ට් ශතකලාභීන්ගේ ලැයිස්තුවේ 7 වැනි ස්ථානයට පත් වූ අතර, ඔහු ශ්රී ලංකා හිටපු සුපිරි පිතිකරු කුමාර් සංගක්කාර සම කිරීමට රැස් කළ යුතුව ඇත්තේ තවත් එක් ශතකයක් පමණි.
සංගක්කාර තරග 134කදී ශතක 38ක් රැස් කර ඇති අතර, ස්මිත් 37 වැනි ශතකය රැස් කළේ 123 වැනි තරගයේදීය.
මේ ශතකයත් සමඟ ඔස්ට්රේලියානු පිල තෙවැනි දිනය නිමා වන විට පළමු ඉනිම කඩුලු 7කට ලකුණු 518ක් රැස් කර තිබිණි.
එංගලන්ත පළමු ඉනිම ලකුණු 384කට දැවී ගිය අතර, ඒ අනුව කඩුලු 3ක් අතැතිව සිටින ඔස්ට්රේලියාව ලකුණු 134ක් ඉදිරියෙන් සිටියි.
ස්මිත් සමඟ නොදැවී කඩුල්ලේ රැඳී සිටින බියු වෙබ්ස්ටර් ලකුණු 42ක් ලබා සිටි අතර, ඉනිමට සාර්ථක ආරම්භයක් දුන් ට්රෙවිස් හෙඩ් ලකුණු 163ක් රැස් කළේ පන්දු 166කදී හතරේ පහර 24ක් සහ හයේ පහරක් ද සමඟිනි.
