බටහිර මුහුදේ කොරියාවේ සුවිශේෂී ආර්ථික කලාපයේ (EEZ) නීති විරෝධී මසුන් ඇල්ලීමේ නිරත චීන ධීවරයින්ට, දකුණු කොරියානු ජනාධිපති ලී ජේ මියුන්ග් විසින් චෝදනා කර තිබේ.
ඒ අනුව ජනාධිපතිවරයා පවසන්නේ එම ක්රියාව අතිශයින් නුසුදුසු බවයි.
එවැනි කටයුතුවලට එරෙහිව දැඩි ක්රියාමාර්ග ගන්නා ලෙස ද ජනාධිපතිවරයා දකුණු කොරියානු වෙරළාරක්ෂක බලකායට දැනුම් දී තිබේ.
බුසාන් හි සාගර හා ධීවර අමාත්යාංශයේ පැවති ප්රතිපත්ති සාකච්ඡාවකදී ලී, නීති විරෝධී, වාර්තා නොකළ සහ නියාමනය නොකළ මසුන් ඇල්ලීම මර්දනය කිරීමේදී පෙර නොවූ විරූ ලෙස දැඩි පියවර ගන්නා ලෙස වෙරළාරක්ෂක බලකායට නියෝග කළේය.
දකුණු කොරියාව මේ වන විටත් අනවසර ධීවර කටයුතුවල නිරත වූ චීන යාත්රා 56 ක් අත්අඩංගුවට ගෙන ඇති බව වාර්තා වේ.
චීන යාත්රා 10 ක ධීවරයින්ගෙන් අය කරන මුදලින් ආවරණය කළ නොහැකි මට්ටමකට දඩ මුදල් වැඩි කිරීම සලකා බැලිය යුතු බවත්, කොරියානු මුහුදේ නීති විරෝධී මසුන් ඇල්ලීමේ යෙදී සිටින පුද්ගලයින්ට විනාශකාරී මූල්ය දඬුවම්වලට මුහුණ දීමට සිදුවන බවට ආදර්ශයක් තැබීම අත්යවශ්ය බවත් ජනාධිපතිවරයා අවධාරණය කළේය.
