ඉන්දියාවේ විදේශ කටයුතු අමාත්ය එස්. ජයශංකර් ලබන සතියේ ශ්රී ලංකාවට පැමිණීමට නියමිත බව විදෙස් මාධ්ය වාර්තා කරයි.
‘දිට්වා’ සුළි කුණාටුවෙන් ශ්රී ලංකාවට සිදු වූ විනාශයෙන් පසු ක්රියාත්මක කෙරෙන පශ්චාත් ආපදා ප්රතිසාධන සැලැස්ම සඳහා සහාය දැක්වීම ඉන්දීය විදෙස් කටයුතු අමාත්යවරයාගේ මෙම සංචාරයේ අරමුණ වී තිබේ.
ඉන්දීය විදේශ කටයුතු අමාත්යවරයාගේ මෙම සංචාරය තුළ ආපදාවෙන් පසු ප්රතිසංස්කරණ කටයුතු, දෙරට අතර ද්වීපාර්ශ්වික සබඳතා, ආර්ථික සහයෝගීතාව සහ කලාපීය ආරක්ෂාව ඇතුළු කරුණු කිහිපයක් පිළිබඳව සාකච්ඡා කිරීමට ද නියමිත බවයි වාර්තා වුණේ.
එමෙන්ම “අසල්වැසියාට ප්රථමයෙන්” යන ඉන්දීය ප්රතිපත්තිය සහ හවුල් සමුද්රීය අවශ්යතා පිළිබිඹු කරමින් අඛණ්ඩ ප්රතිසංස්කරණ සහාය කෙරෙහි අවධානය ද එස්. ජයශංකර්ගේ මෙම සංචාරය තුළ යොමු කරනු ඇති.
සුළි කුණාටුවේ ශ්රී ලංකාවට බලපෑම් එල්ල කළ පසු, ඉන්දියාව සාගර් බන්ධු මෙහෙයුම දියත් කළ අතර, විශේෂිත ආපදා ප්රතිචාර දක්වන්නට එක් වූ පළමු ජාතිය බවට ද පත් විය.
