බ්රිතානයේ වැඩිහිටි ප්රජාව මේ වන විට අන්තර්ජාලයේ සැරිසරන කාලසීමාව කොවිඩ් වසංගත කාලයට වඩා වැඩි බව එරට සිදු කළ සමීක්ෂණයකින් හෙළි වී තිබේ.
අන්තර්ජාල ජාතික වාර්තාව ලෙස නිකුත් වී ඇති එම සමීක්ෂණ වාර්තාවට අනුව බ්රිතාන්ය වැඩිහිටි පරපුර මේ වසරේදී දිනකට පැය හතරකුත්, මිනිත්තු 30ක් අන්තර්ජාලයේ සැරිසරන බවත්, එය කොවිඩ් වසංගත කාලයේ වැය කළ කාලයට වඩා මිනිත්තු 31ක වැඩිවීමක් බවත් එම වාර්තාවෙන් පෙන්වා දී ඇතැයි විදෙස් මාධ්ය සඳහන් කරයි.
මනෝ විද්යාඥ ආචාර්ය ඇරික් සිග්මන් ප්රකාශ කර ඇත්තේ එය මානසික සෞඛ්යයට බලපෑම් සිදු කරන ආකාරය පිළිබඳ සොයා බැලිය යුතු බවය.
වැඩි කාලයක් අන්තර්ජාලයේ රැඳී සිටීම අවදානම් තත්ත්වයක් බවට ද අදහස් පළ වූවද, අන්තර්ජාලය යනු නිර්මාණශීලී මූලාශ්රයක් ලෙස හඳුනා ගත් බව එරට බොහෝ වැඩිහිටියන් ප්රකාශ කර ඇතැයි වාර්තා වේ.
ලෝකය පිළිබඳ අවබෝධය පුළුල් කරගැනීමට අන්තර්ජාලය බෙහෙවින් උපකාරි වන බව සමික්ෂණයට එක්වූ 75% කට ආසන්න වැඩිහිටියන් පිරිසක් සඳහන් කර ඇතැයි ද වාර්තා වේ.
