ඕස්ට්‍රේලියාවේ, සිඩ්නි නුවර බොන්ඩි වෙරළ තීරයේ ඊයේ (14) සිදු වූ වෙඩි තැබීමේ සිද්ධියෙන් අවුරුදු 10ක ගැහැණු ළමයෙකු ඇතුළු පුද්ගලයින් 15 දෙනෙකු මිය ගොස් ඇති බව නිව් සවුත් වේල්ස් පොලිසිය පවසයි.

මියගිය පුද්ගලයින් වයස අවුරුදු 10 සහ 87 යන වයස්වල පසුවන්නන් බවයි එම පොලිසිය සඳහන් කළේ.

බොන්ඩි වෙරළ තීරයේ ඊයේ (14) පැවති යුදෙව් ජාතිකයින්ගේ “හනුක්කා” සැමරුම් උත්සවයකට මෙම වෙඩි ප්‍රහාරය එල්ල වී තිබුණි.

තුවක්කුකරුවන් දෙදෙනෙක් විසින් මෙම වෙඩි ප්‍රහාරය එල්ලකර තිබූ අතර, වෙඩික්කරුවන දෙදෙනා පියා සහ පුතා බවට පොලිසිය අනාවරණය කරගෙන තිබේ.

50 හැවිරිදි පියා සිද්ධිය සිදුවූ ස්ථානයේදීම මිය ගිය අතර, 24 හැවිරිදි පුතා තවමත් අසාධ්‍ය තත්ත්වයේ රෝහල්ගතව ප්‍රතිකාර ලබන බවයි විදෙස් වාර්තා සඳහන් කළේ.

නිව් සවුත් වේල්ස් පොලිසිය පවසන්නේ මෙම ක්‍රියාව ත්‍රස්තවාදී සිදුවීමක් ලෙස සලකන බවයි.

ඕස්ට්‍රේලියානු අගමැති ඇන්තනි ඇල්බනීස්, මෙම ප්‍රහාරය යුදෙව් ප්‍රජාව “හිතාමතාම ඉලක්ක කරගත් නපුරු ක්‍රියාවක්”ලෙස හඳුන්වයි.

මේ අතර මියගිය 50 හැවිරිදි තුවක්කුකරු විනෝදාත්මක දඩයම් කිරීම සඳහා ගිනි අවි බලපත්‍රයක් සඳහා සුදුසුකම් සපුරා ඇති අයෙක් බවට ද අනාවරණය වී තිබේ.