ලබන වසරේ පැවැත්වීමට නියමිත එංගලන්ත පිරිමි එක්දින ජාත්‍යන්තර තරග තුන සඳහා සත්කාරකත්වය සපයන බව අයර්ලන්තය ප්‍රකාශ කර තිබෙනවා.
එම තරගාවලිය 2025 සැප්තැම්බර් 17 වැනිදා සිට 21 වැනිදා දක්වා පැවැත්වීමට නියමිත බවයි වාර්තා වෙන්නේ.
වාර්තාවන අන්දමට 2019න් පසු එංගලන්ත පිරිමි කණ්ඩායම අයර්ලන්තයේ ක්‍රීඩා කිරීමට නියමිත පළමු අවස්ථාව මෙයයි.
අයර්ලන්ත ක්‍රිකට් ක්‍රීඩකයින් සහ එංගලන්ත ක්‍රීඩකයින් මීට පෙර අවස්ථා 15කදී එක්දින ක්‍රිකට් තරගවලදී ක්‍රීඩා කර ඇති අතර, අයර්ලන්තය දෙවරක්ද, එංගලන්තය අවස්ථා 11ක් ද ජයග්‍රහණය කර තිබෙනවා.
ප්‍රවේශපත්‍ර ලබන වසරේ මුල් භාගයේදී විකිණීමට නියමිත බවයි වාර්තා වෙන්නේ.
එමෙන්ම මෙම තරගාවලිය අයර්ලන්තය සහ එංගලන්තය අතර පැවැත්වෙන එකම තරග නොවන අතර, ලබන මස එංගලන්ත කාන්තා එක්දින තරග තුනක් සහ T20I තරග දෙකක් අයර්ලන්තයේ පැවැත්වීමට නියමිතයි.
