නැගෙනහිර ආසියාතික රටවල් ඇතුළු තවත් රටවල් 8ක් ඉන්දියාවේ ඒකාබද්ධ ගෙවීම් පද්ධතියට එක් කර ගැනීම සඳහා සාකච්ඡා ආරම්භ වී ඇතැයි ඉන්දීය මූල්ය සේවා ලේකම් එම්.නාගරාජු ප්රකාශ කළ බව හින්දු පුවත් සේවය වාර්තා කළේය.
දැනටමත් රටවල් 8ක ක්රියාත්මක වන යූ.පී.අයි. කෙටි නාමයෙන් හඳුන්වනු ලබන එම අන්තර්ජාල ක්ෂණික ගෙවීම් සේවාව මේ වසර වන විට අමෙරිකානු ඩොලර් ට්රිලියන 3.4ක වාර්ෂික ගනුදෙනුවක් සිදු කරමින් ජාත්යන්තර ඩිජිටල් මූල්ය ගනුදෙනු ජාලයේ 50%කට දායකත්වය ලබාදී ඇතැයි වාර්තා වේ.
මේ වන විට භූතානය, සිංගප්පූරුව, කටාර් රාජ්යය, මුරුසි ජනරජය, නේපාලය, එක්සත් අරාබි එමීර් රාජ්යය, ශ්රී ලංකාව සහ ප්රංශය එම ගෙවීම් ජාලයට ඇතුළත් වී ඇති අතර, විදෙස් රටවලදී ඉන්දීය ජාතිකයන්ට භාණ්ඩ හා සේවාවන් සඳහා අන්තර්ජාලය ඔස්සේ පහසු ගෙවීම් ක්රමයක් බවට පත් වී ඇතැයි වාර්තා වේ.
මීට වසර අටකට පෙර ඉන්දියාවේ බැංකු පද්ධතියට හඳුන්වා දුන් එම ඒකාබද්ධ ගෙවීම් ක්රමවේදය ඔස්සේ QR සංකේතය භාවිත කරමින් සිල්ලර භාණ්ඩවල සිට ඕනෑම උපකරණයක් හෝ සේවාවක් ලබා ගැනීම සඳහා ඉන්දීය මුදලින් ගෙවීම් සිදුකිරීමේ හැකියාව පවතී.
