ඊශ්රායල හිතවාදී පලස්තීන සන්නද්ධ කණ්ඩායම් නායකයකු වන යසීර් අබු ෂහාබ් හමාස් සංවිධානය විසින් ඝාතනය කර ඇතැයි විදෙස් මාධ්ය වාර්තා කරයි.
ඊශ්රායලයේ පාලනය යටතේ පවතින දකුණු ගාසා තීරයේ රෆා නුවර ස්ථානගත වී සිටි සිය නායකයා වෙඩි ප්රහාරයකින් මිය ගිය බව හමාස් විරෝධී සන්නද්ධ කණ්ඩායම නිවේදනය කර ඇතැයි ද වාර්තා වේ.
ගාසා යුදගැටුම් අතරතුර හමාස් සංවිධානයට එරෙහිව නැඟී සිටි එම සන්නද්ධ කණ්ඩායම ඊශ්රායලය වෙනුවෙන් සහාය පළ කිරීම ඝාතනයට හේතු වී ඇතැයි ද වාර්තා වේ.
වෙඩි ප්රහාරයෙන් තුවාල ලැබූ සන්නද්ධ නායකයා ඊශ්රායල හමුදාව විසින් රෆා නගරයෙන් ඉවතට රැගෙන ගොස් දකුණු ඊශ්රායලයේ රෝහල්ගත කර ඇති අතර, ප්රතිකාර ලබමින් සිටියදී මියගිය බව විදෙස් මාධ්ය සඳහන් කරයි.
ඊශ්රායලය වෙනුවෙන් සහාය පළ කිරීම හේතුවෙන් හමාස් සංවිධානය ඔහු ඝාතනය කිරීමට නියෝග නිකුත් කර තිබූ බව ද වාර්තා වේ.
