ශ්‍රී ලංකාවට බලපෑ ආපදා තත්ත්වය නිසා 69 දෙනකු මිය ගොස් 34 දෙනෙක් අතුරුදන් වී ඇතැයි ආපදා කළමනාකරණ මධ්‍යස්ථානය පවසයි.

ආපදාවෙන් බලපෑමට ලක්වූ මුළු පුද්ගලන් ගණන පවුල් 61,175කට අයත් පුද්ගලයින් 21,9282ක් බව ද ආපදා කළමනාකරණ මධ්‍යස්ථානය සඳහන් කරයි.

පීඩාවට පත්වූ පවුල් 5,890කට අයත් පුද්ගලයින් 18,443 දෙනෙකු තාවකාලික සුරක්ෂිත මධ්‍යස්ථාන 266ක් වෙත යොමු කර ඇති මේ වනවිටත් විපතට පත්වූවන් සෙවීමේ කටයුතු ආපදා කළමනාකරණ මධ්‍යස්ථානය ප්‍රමුඛ ත්‍රිවිධ හමුදාව විසින් සිදුකරනු ලබයි.

මේ අතර ගංවතුර අධි අවදානම් අනතුරු ඇඟවීම් කැලණි ගඟ සඳහා කලු ගඟ, යාන් ඔය, මහවැලි ගඟ, ගඟ දැදුරු ඔය, මහ ඔය, කලා ඔය, අත්තනුගලු ඔය සහ මැණික් ගඟ, මල්වතු ඔය ආශ්‍රිතව නිකුත් කර ඇති අතර, එහි ජල මට්ටම් ඉහළ යෑම නිසා මෙම ස්ථානයන්හි පහත් බිමිවල සිටින ජනතාව ඉවත් වීම සඳහ‍ා නිවේදන නිකුත් කර ඇති බව ද ආපදා කළමනාකරණ මධ්‍යස්ථානය පවසයි.

සුරක්ෂිත හෝ වඩාත් ආරක්ෂිත ස්ථානවලට ගමන් කරන ලෙසත් රාත්‍රී කාලයේ ජලමට්ටම් ඉහළ යා හැකි බැවින් රාත්‍රියේ ගමන් බිමන් හා ගංවතුර නැරඹීමට යෑමෙන් වළකින ලෙසද ආපදා කළමනාකරණ මධ්‍යස්ථානය සඳහන් කරයි.

මේ අතර පවතින අයහපත් කාලගුණික තත්ත්වය හේතුවෙන් ජාතික ගොඩනැගිලි පර්යේෂණ සංවිධානය විසින් නිකුත් කර තිබූ නායයෑම් අනතුරු ඇඟවීමේ නිවේදනය තවදුරටත් දීර්ඝ කර තිබේ.

ඒ අනුව දිස්ත්‍රික්ක 11ක ප්‍රාදේශීය ලේකම් කොට්ඨාස 91ක් සඳහා අධියර 3 යටතේ ඉවත්වීමේ රතු නිවේදන නිකුත් කිරීමට එම සංවිධානය පියවර ගෙන ඇත.

ඒ අනුව බදුල්ල දිස්ත්‍රික්කයේ මීගහකිවුල, බදුල්ල, හාලි ඇල, කන්දකැටිය, පස්සර, ඌව පරණගම, ⁠වැලිමඩ, ⁠ලුණුගල, ඇල්ල, බණ්ඩාරවෙල, සොරණාතොට, හල්දුම්මුල්ල, කොළඹ දිස්ත්‍රික්කයේ පාදුක්ක, සීතාවක, ගම්පහ දිස්ත්‍රික්කයේ අත්තනගල්ල, කළුතර දිස්ත්‍රික්කයේ බුලත්සිංහල, ඉංගිරිය, හොරණ මහනුවර දිස්ත්‍රික්කයේ උඩපලාත, ගගවට කෝරළය, දොළුව, මිණිපෙ, පාතහේවාහැට, මැදදුම්බර, දෙල්තොට, අකුරණ, ගග ඉහළ කෝරළය, පාතදුම්බර, යටිනුවර, තුම්පනේ, උඩුනුවර, හාරිස්පත්තුව, පූජාපිටිය, පස්බාගෙ කෝරළය, පන්විල, හතරලියද්ද, කුණ්ඩසාලේ, කෑගල්ල දිස්ත්‍රික්කයේ මාවනැල්ල, රඹුක්කන, අරණායක, බුලත්කොහුපිටිය, ගලිගමුව, ⁠කෑගල්ල, යටියන්තොට, දෙහිඹ්විට, රුවන්වැල්ල, වරකාපොල, දැරණියගල, කුරුණෑගල දිස්ත්‍රික්කයේ රිදීගම, මාවතගම, මල්ලවපිටිය, නාරම්මල, අලව්ව, මාතලේ දිස්ත්‍රික්කයේ නාඋල, රත්තොට, අඹන්ගග කෝරළය, උකුවෙල, විල්ගමුව, යටවත්ත, මාතලේ, පල්ලෙපොල, ලග්ගල පල්ලේගම, මොණරාගල දිස්ත්‍රික්කයේ බිබිල, මැදගම, නුවරඑළිය දිස්ත්‍රික්කයේ වලපනේ, හගුරන්කෙත, නිල්දණ්ඩාහින්න, මතුරට, නුවරඑළිය, කොත්මලේ බටහිර, කොත්මලේ නැගෙනහිර, අඹගමුව, තලවකැලේ, නෝර්වුඩ් රත්නපුර දිස්ත්‍රික්කයේ කිරිඇල්ල, රත්නපුර, ඇහැළියගොඩ, කුරුවිට, කොලොන්න, ඇලපාත, ⁠අයගම, බලංගොඩ, කලවාන, ඉඹුල්පෙ, ⁠කහවත්ත, නිවිතිගල, ඹ්පනායක, ගොඩකවෙල, පැල්මඩුල්ල යන ප්‍රාදේශීය ලේකම් කොට්ඨාස සඳහා ඉවත්වන ලෙස රතු නිවේදන නිකුත් කර තිබේ.

මීට අමතවර බදුල්ල දිස්ත්‍රික්කයේ හපුතලේ, ගාල්ල දිස්ත්‍රික්කයේ තවලම, නෙළුව, කළුතර දිස්ත්‍රික්කයේ මතුගම, අගලවත්ත, පාලින්දනුවර, වලල්ලාවිට, කුරුණෑගල දිස්ත්‍රික්කයේ, පොල්ගහවෙල, මොණරාගල දිස්ත්‍රික්කයේ බඩල්කුඹුර, වැල්ලවාය, රත්නපුර දිස්ත්‍රික්කයේ ඇඹිලිපිටිය, වැලිගෙපොල, කල්තොට යන ප්‍රාදේශීය ලේකම් කොට්ඨාස සඳහා අවධානයෙන් සිටින ලෙසද දන්වා ඇත.

තවද කොළඹ දිස්ත්‍රික්කයේ හෝමාගම, කැස්බෑව, කඩුවෙල, මහරගම, ගම්පහ දිස්ත්‍රික්කයේ මීරිගම, දොම්පේ, බියගම, හම්බන්තොට දිස්ත්‍රික්කයේ ඔකේවෙල, වලස්මුල්ල, තංගල්ල, බෙලිඅත්ත, වීරකැටිය, මාතර දිස්ත්‍රික්කයේ පස්ගොඩ, හක්මනමුලටියන, මාතර කඩවත් සතර, පිටබැද්දර, කොටපොල, කිරින්ද පුහුල්වෙල, කඹුරුපිටිය, දික්වැල්ල, දෙවිනුවර, තිහගොඩ, වැලිපිටිය, අතුරලිය, අකුරැස්ස, වැලිගම, මාලිම්බඩ යන ප්‍රාදේශීය ලේකම් කොට්ඨාස සඳහා විමසිලිමත් බවින් සිටින ලෙසත් දන්වා ජාතික ගොඩනැගිලි පර්යේෂණ සංවිධානය විසින් අනතුරු ඇඟවීම් නිවේදනයක් නිකුත් කර තිබේ.