Mother’s Day සූර්ය කුණාටුව මගින් පෘථිවියේ ආරක්ෂිත ස්ථරයක ප්රමාණය අඩු කර ඇතැයි නව අධ්යයනයකින් හෙළිවී තිබේ.
2024 මැයි මාසයේදී Mother’s Day සූර්ය කුණාටුව දිස්වූ අතර එය අවසන් විශාලතම සූර්ය කුණාටුව ද වේ.
පෘථිවියේ ප්ලාස්මාගෝලය ලෙස හැඳින්වෙන මෙම ආරෝපිත අංශු ස්ථරය කුණාටුව අතරතුර කිලෝමීටර් දස දහස් ගණනක් පහත වැටී ඇති අතර එමඟින් අවුරෝරා සමකය දෙසට බොහෝ දුරට පෙන්නුම් කර ඇති බවයි අධ්යයනයෙන් හෙළි කරගෙන ඇත්තේ.
අවසාන විශාල සූර්ය කුණාටු වලින් පසු චන්ද්රිකා ව්යාප්ත වීම නිසා විද්යාඥයින්ට මෙම සුපිරි කුණාටු ක්රියා කරන ආකාරය පිළිබඳ පෙර නොවූ විරූ නව තොරතුරු ලබා දී තිබේ.
පසුගිය සතියේ විශ්මයජනක අවුරෝරා ඕස්ට්රේලියාව පුරා බොහෝ දෙනෙකුට දැකගත හැකි වුව ද, ඒවා නිර්මාණය කළ සූර්ය කුණාටුව පසුගිය වසරේ සිදු වූ මට්ටමට සමාන නොවන බවයි සොයාගෙන ඇත්තේ.
පසුගිය වසරේ ඇතිවූ Mother’s Day සූර්ය කුණාටුව දින තුනක් පුරා අහස ආලෝකමත් කළ අතර එය ප්ලාස්මා ගෝලය එහි ප්රමාණයෙන් පහෙන් එකක් පමණ අඩු කර ඇති බව ද අධ්යනයේදී හෙළි වී තිබේ.
ජපානයේ ARASE චන්ද්රිකාව භාවිතා කරමින් ප්ලාස්මා ගෝලයෙන් මෙන්ම GPS ග්රාහක භාවිතා කරමින් පහළ අයනගෝලයෙන් දත්ත විශ්ලේෂණය කරමින් මෙම අධ්යයනය සිදු කරනු ලැබුවේය.
නගෝයා විශ්ව විද්යාලයේ පර්යේෂක අට්සුකි ෂින්බෝරි පවසා ඇත්තේ ස්ථර දෙකම නිරීක්ෂණය කිරීමෙන් ප්ලාස්මා ගෝලය කෙතරම් හැකිලී ඇත්ද සහ යථා තත්ත්වයට පත්වීමට මෙතරම් කාලයක් ගත වූයේ මන්දැයි පෙන්වා දුන් බවයි.
මෙම බාධාව GPS නිරවද්යතාවයට බලපානු ඇති අතර, චන්ද්රිකා මෙහෙයුම්වලට බාධා කිරීම මෙන්ම අභ්යවකාශ කාලගුණ අනාවැකි සංකීර්ණ කළ හැකි බව ද එහිදී පෙන්වා දී තිබේ.
