74 වැනි විශ්ව රූ රැජින කිරුළ මෙක්සිකෝව නියෝජනය කළ ෆාතිමා බෝෂ් වෙත හිමිව තිබේ.
ඒ තායිලන්තයේ පැවති අවසාන මහා තරඟයේදීයි.
1st Runner-up ලෙස තායිලන්ත තරගකාරියත් 2nd Runner-up ලෙස වෙනිසියුලා තරගකාරියත් මෙහිදී ජයග්රහණය කළේය.
තායිලන්තය සත්කාරකත්වය දැරූ මෙම තරගාවලියේ ජනප්රියතම තරඟකාරිය වූ තායිලන්ත තරගකාරිය පරාජය කරමින් බෝෂ් විසින් මෙම ජයග්රහණය වාර්තා කර තිබුණේය.
මෙම තරඟාවලියේදී සංස්කෘතීන්, පසුබිම් සහ ආගම් සැමරීම ඉලක්ක කළ ද එය විනිසුරුවන් ඉල්ලා අස්වීම්, ඡන්ද වංචා චෝදනා සහ නාටකාකාර ලෙස තරගකාරියන් ඉවත්වීම් වැනි සිදුවීම් රැසකට මුහුණ දුන්නේය.
කිරුළ හිමිවූ බෝෂ්ට තරගය අතරතුරදී තායිලන්තයේ ජාතික අධ්යක්ෂවරයාගෙන් දරුණු අපහාස එල්ල වීමේ සිද්ධියක් ද වාර්තා වී තිබුණේය.
මෙම සිදුවීමෙන් පසු ඇය තරඟයෙන් ඉවත් වූ අතර, අනෙකුත් තරඟකාරියන් කිහිප දෙනෙක් ද ඇය පසුපස ගියේය.
රූ රැජිණ තරඟයේදී තවත් ගැහැණු ළමයෙකුට අපහාස කිරීම සම්පූර්ණයෙන්ම අගෞරව කිරීමක් බව පවසමින් වත්මන් පෙර රූ රැජින වූ වික්ටෝරියා තීල්විග් ද සහය දක්වමින් ඉවත්ව ගියේය.
මෙක්සිකෝවේ ජනාධිපතිනිය වන ක්ලෝඩියා ෂෙයින්බෝම් බෝෂ්ව අගය කළ අතර පසුව අපහාස කළ ජාතික අධ්යක්ෂවරයා සමාව අයැද සිටියහ.
මෙවැනි තත්ත්වයක් මධ්යයේ විනිසුරුවන් අට දෙනාගෙන් එක් අයෙකු වූ ඔ්මාර් හාර්ෆෝෂ් ඉල්ලා අස් වූයේ, අවසන් තරඟයට දින දෙකකට පෙර තරඟකාරියන් 136 න් 30 දෙනෙකු රහස් ඡන්දයකින් පූර්ව තෝරා ගැනීමක් සිදු කළ බවට චෝදනා කරමින්.
ඔහු තමා සහභාගී නොවූ ඡන්දයක් නීත්යානුකූල කිරීමට නොහැකි බව ප්රකාශ කළේය.
ප්රංශ පාපන්දු ක්රීඩක ක්ලෝඩ් මැකෙල්ලෙලේ ද අනපේක්ෂිත පුද්ගලික හේතූන් මත විනිසුරුවරයෙකු ලෙස ඉවත් වීමට තීරණය කළේය.
සංවිධානය මෙම රහස් ඡන්ද චෝදනා ප්රතික්ෂේප කළ අතර, හාර්ෆෝෂ්ගේ ප්රකාශය තරඟාවලියෙන් වෙනම ක්රියාත්මක වන සමාජ බලපෑම් මුලපිරීමක් පිළිබඳව ඇති වූවක් බව පවසා තිබුණේය.
ජැමෙයිකාව නියෝජනය කළ ගැබ්රියෙල් හෙන්රි මූලික තරඟයේදී ප්රධාන වේදිකාවෙන් ඇද වැටී රෝහල් ගත විය.
බ්රිතාන්ය රූ රැජින වන ඩැනියෙල් ලැටිමර් ද වේදිකාවේ දී ඇද වැටුණු අතර, ඇය පසුව කියා සිටියේ එය නර්තනයක් බවයි.
තරගය අතරතුරදී ඊශ්රායල තරගකාරියට මරණ තර්ජන එල්ල වූ බවට ද වාර්තා විය.
චිලී නියෝජනය කළ තරගකාරියට මත්ද්රව්ය ආශ්රිත ක්රියාවක් අනුකරණය කරන වීඩියෝවක් සඳහා සමාව අයැද සිටීම ද මෙම තරගාවලිය අතරතුර සිදුවූ විශේෂ සිදුවීම් අතරට ඇතුළත්.
