චීනය සමඟ උත්සන්න වන මතභේදයක් මධ්යයේ තම සිසුන්ගේ ආරක්ෂාව සහතික කරන ලෙස ඉල්ලා සිටින ලෙස ජපානයේ අධ්යාපන අමාත්යාංශය චීනයේ ක්රියාත්මක වන පාසල්වලට දන්වා ඇති බව විදෙස් මාධ්ය වාර්තා කරයි.
ජපානයේ අධ්යාපන අමාත්ය යොහෙයි මැට්සුමෝටෝ පසුගිය වසරේ චීනයේ දී සිදුවූ ජපන් ශිෂ්යයෙකුගේ ඝාතනය ගැන සඳහන් කරමින් පෙන්වා දී ඇත්තේ, බලධාරීන් එම තත්ත්වය නැවත නැවත සිදුවීම වළක්වා ගත යුතු බවයි.
මෙම තත්ත්වය මතුව ඇත්තේ, ෆුකුෂිමා ඩයිචි න්යෂ්ටික බලාගාරයෙන් පිරිපහදු කළ විකිරණශීලී ජලය පිළිබඳ කනස්සල්ල උපුටා දක්වමින් චීනය ජපන් මුහුදු ආහාර ආනයනය අත්හිටුවන බව නිවේදනය කිරීමත් සමඟයි.
වත්මන් තත්වයන් යටතේ ජපන් මුහුදු ආහාර සඳහා වෙළඳපොළක් නොමැති බව අවධාරණය කරමින්, චීනයේ විදේශ අමාත්යාංශය තවදුරටත් ප්රති-පියවර ගන්නා බවට අනතුරු අඟවා තිබේ.
මෑතකදී බලයට පත් වූ ජපාන අගමැතිනි සනායි තකයිචි, චීනය තායිවානයට පහර දුන්නොත් ජපානයට මිලිටරිමය වශයෙන් ප්රතිචාර දැක්විය හැකි බවට මෙම මස මුලදී යෝජනා කිරීමෙන් පසුව බීජිං සහ ටෝකියෝ අතර ආතතීන් දැන් පුපුරා ගොස් තිබේ.
පාර්ලිමේන්තු රැස්වීමකදී විපක්ෂ නීති සම්පාදකයෙකුට පිළිතුරු දෙමින් ඇය අනතුරු අඟවා තිබුණේ, එවැනි ප්රහාරයක් ජපානයේ පැවැත්මට තර්ජනයක් වන තත්වයක් ඇති කළ හැකි බවයි.
එය ජපානයේ ස්වයං-ආරක්ෂක හමුදා යෙදවීම සාධාරණීකරණය කළ හැකි බවත් ඇය පවසා තිබුණේය.
චීනය ඒ සඳහා දැඩි ලෙස ප්රතිචාර දැක්වූ අතර, එම ප්රකාශ චීනයේ අභ්යන්තර කටයුතුවලට ඇඟිලි ගැසීමක් ලෙස හෙළා දකිමින් සහ අග්රාමාත්යවරියගේ ප්රකාශ ඉල්ලා අස්කර ගන්නා ලෙස ඉල්ලා සිටි අතර කෙසේවෙතත් ඇය මෙතෙක් එවැනි පියවරක් ගෙන නොමැත.
