ට්රයිසෙරාටොප්ස්, එනම් අං තුනකින් යුත් ඩයිනෝසෝරයකුගේ යැයි විශ්වාස කරන පොසිලයක් හමු වී තිබේ.
ඒ උත්තර් ප්රදේශ්හි සහරන්පූර් දිස්ත්රික්කයේ සහන්සාරා ගං ඉවුරේ කළ කැණීම්වලදීයී.
විශේෂඥයන් විශ්වාස කරන්නේ කැණීම්වලින් හමුවූ පොසිලය වසර මිලියන ගණනක් පැරණි ට්රයිසෙරාටොප්ස්ගේ නාසික අං විය හැකි බවයි.
“ට්රයිසෙරාටොප්ස්ගේ යැයි විශ්වාස කරන නැවුම් පොසිලයක් සොයාගෙන තිබෙනවා…පොසිලය එහි නාසයේ කොටසක්. එය ට්රයිසෙරාටොප්ස් කෙනෙකුට අයත් බව අපට නිශ්චිතවම පැවසිය නොහැකි වුවත් එය ලොව පුරා දක්නට ලැබෙන අනෙකුත් ට්රයිසෙරාටොප්ස් පොසිලවලට කිට්ටුවෙන් සමානයි. එහි රූප විද්යාව, හැඩය සහ ප්රමාණය බෙහෙවින් ඊට සමානයි,” යනුවෙන් ස්වාභාවික ඉතිහාස හා සංරක්ෂණ මධ්යස්ථානයේ නිර්මාතෘ මොහොමඩ් උමාර් සයිෆ් පැවසීය.
මෙම ඩයිනෝසෝරයන් සාමාන්යයෙන් සොයා ගනු ලැබුවේ වසර මිලියන 100.5කට පෙර සිට වසර මිලියන 66කට පෙර අග ක්රිටේසියස් යුගයේදී බව ඔහු පැවසීය.
ඔහු පැවසුවේ, පොසිලය සුවිශේෂී ලෙස හොඳින් සංරක්ෂණය වී ඇති බවයි.
“මෙය හොඳින් සංරක්ෂණය වී තිබෙනවා, එය අධික ඛනිජකරණය හේතුවෙන් සම්පූර්ණයෙන්ම වැලිගල් බවට පරිවර්තනය වී ඇති නිසා ආසන්න වශයෙන් වසර මිලියන 35-40ක් හිමාල කඳු පාමුල වැළලී තිබී තියෙනවා. මෙය හොඳ සොයා ගැනීමක්,” සයිෆ් පැවසීය.
මෑත වසරවලදී වසර මිලියන ගණනක් පැරණි පොසිල කිහිපයක් මෙම ප්රදේශයෙන් කැණීම් කර ඇති බව වාර්තා වන අතර, එය පර්යේෂකයන්ගේ උනන්දුවට හේතු වී තිබේ.
