ඊශ්රායලයේ ඉහළම සිවිල් ගෞරවය වන ඊශ්රායල ජනාධිපති ගෞරව පදක්කම (Israeli Presidential Medal of Honor) එක්සත් ජනපද ජනාධිපති ඩොනල්ඩ් ට්රම්ප් වෙත පිරිනමන බව ඊශ්රායල ජනාධිපති අයිසැක් හර්සොග් විසින් නිවේදනය කර තිබෙනවා.
මෙම ගෞරවය පිරිනැමීමට ප්රධාන හේතුව වී ඇත්තේ ගාසා සටන් විරාමය සඳහා මැදිහත් වීමසහ ඔක්තෝබර් 7 වන දින සමූල ඝාතනයේ දී ගාසා ත්රස්ත කණ්ඩායම් විසින් පැහැර ගත් ප්රාණ ඇපකරුවන් නිදහස් කර ගැනීම සහතික කිරීමේ දී අමෙරිකානු නායකයා ඉටු කළ කාර්යභාරය අගය කිරීමයි.
මෙම පදක්කම පිරිනමනු ලබන්නේඊශ්රායල රාජ්යයට හෝ මනුෂ්යත්වයට විශිෂ්ට දායකත්වයක්ලබා දුන් පුද්ගලයන්ට ය. ජනාධිපති හර්සොග් සඳුදා කෙනසෙට් (Knesset) රැස්වීමේ දී ට්රම්ප්ට මෙම පදක්කම පිරිනැමීමේ සිය තීරණය විධිමත් ලෙස දැනුම් දීමට නියමිතය.
ගාසා ගැටුම සඳහා සැප්තැම්බර් 29 වන දින අදියරගත සාම සැලැස්ම සඳහා මැදිහත්කරු ලෙස කටයුතු කිරීමට අමතරව, කලාපය පුරා ඊශ්රායලයට අඛණ්ඩව සහයෝගය දැක්වීම සහසාමය ඉදිරියට ගෙන යාමහේතුවෙන් ද ට්රම්ප් ඊශ්රායලයේ ඉහළම සිවිල් ගෞරවය ලැබීමට සුදුසුකම් ලබා තිබෙන බවයි ජනාධිපතිවරයා පවසා ඇත්තේ.
ජනාධිපති හර්සොග් නිවේදනයක් නිකුත් කරමින් ප්රකාශ කළේ “ජනාධිපති ට්රම්ප්ගේ උරුමය ඊශ්රායල රාජ්යය සහ යුදෙව් ජනතාව විසින් පරම්පරා ගණනාවක් තිස්සේ සිහිපත් කරනු ඇති” යන්නයි.
ඊශ්රායලයට ඔහුගේනොසැලෙන සහයෝගය, කලාපයේ සාමයේ වපසරිය පුළුල් කළඒබ්රහම් ගිවිසුම්ඇති කිරීම, සහ ප්රාණ ඇපකරුවන් නිවෙස් කරා ගෙන ආ ඓතිහාසික ගිවිසුම් දෙක, මෙන්මඉරානයේ න්යෂ්ටික වැඩසටහනට එල්ල කළ තීරණාත්මක ප්රහාරයයන කරුණු ඔස්සේ ට්රම්ප්ගේ හඬධෛර්යයේ සහ නායකත්වයේහඬක් වූ බව හර්සොග් සඳහන් කළා.
හර්සොග් ජනාධිපතිවරයා වැඩිදුරටත් කියා සිටියේ, ට්රම්ප් ජනාධිපතිවරයාගේ “නොසැලෙන උත්සාහය තුළින්” ඔවුන්ගේ ආදරණීයයන් නැවත නිවෙස් කරා ගෙන ඒමට උපකාරී වූවා පමණක් නොව, ආරක්ෂාව, සහයෝගීතාවය සහ සාමකාමී අනාගතයක් සඳහා සැබෑ බලාපොරොත්තුවමත ගොඩනැගුණු මැද පෙරදිග නව යුගයක් සඳහා ද අඩිතාලම දමා ඇති බවයි.
හර්සොග් ප්රකාශ කළේ, ට්රම්ප්ට ඊශ්රායල ජනාධිපති ගෞරව පදක්කම පිරිනැමීම”මහා ගෞරවයක්”බවයි.
