අමෙරිකානු රජය වසා දැමීම හේතුවෙන් ලොව පුරා ගුවන් ගමන් 6,000කට අධික සංඛ්යාවක් ප්රමාද වී ඇති අතර, කාර්ය මණ්ඩල හිඟය හේතුවෙන් ඇතැම් ගුවන් තොටුපළවල් තාවකාලිකව වසා දමා ඇති බවයි විදෙස් මාධ්ය වාර්තා කරන්නේ.
සඳුදා දින නිව්යෝර්ක්, ලොස් ඇන්ජලීස් සහ ඩෙන්වර් අවට ප්රධාන ගුවන් තොටුපළවලට කාර්ය මණ්ඩල හිඟය බලපා තිබෙනවා.
ලොස් ඇන්ජලීස්හි හෝලිවුඩ් බර්බෑන්ක් ගුවන් තොටුපළේ ගුවන් ගමනාගමන පාලන පහසුකම කාර්ය මණ්ඩල හිඟය හේතුවෙන් සඳුදා පස්වරුවේ සිට සවස්වන තුරු සම්පූර්ණයෙන්ම වසා දමා ඇති බවටයි වාර්තා වෙන්නේ.
රජය වසා දැමීමේදී අනෙකුත් රජයේ සේවකයන්ට නිවාඩු ලබා දෙන අතර, ගුවන් ගමනාගමන පාලකවරුන් අත්යවශ්ය සේවකයන් ලෙස සලකනු ලබන බවත්, වැටුප් නොමැතිව දිගටම සේවය කළ යුතු බවත්, සඳහන්.
ප්රවාහන ලේකම් ෂෝන් ඩෆී (Sean Duffy) ප්රකාශ කළේ, වසා දැමීම ආරම්භ කළ දා සිට සුළු වශයෙන් අසනීප නිවාඩු ඉල්ලීම් වැඩි වී ඇතත්, ගුවන් අවකාශය තවමත් ගමන් කරන්නන් සඳහා ආරක්ෂිත බවයි.
ගුවන් ගමනාගමන පාලකවරුන් 20,000ක් නියෝජනය කරන ජාතික ගුවන් ගමනාගමන පාලකවරුන්ගේ සංගමයේ (National Air Traffic Controllers Association) ප්රකාශයක් නිකුත් කරමින් කියා සිටියේ, පාලකවරුන්ට ගුවන් ගමන් සහ ඔවුන්ගේ වටිනා මගීන් සහ භාණ්ඩ ආරක්ෂිතව පැමිණීම සහතික කිරීම සඳහා දිනකට පැය 10ක්, සතියකට දින 6ක් වැඩ කිරීමට සිදු විය හැකි බවයි.
