මෙම සතියේ, චීනයේ සයිබර් අවකාශ පරිපාලනය “අධික ලෙස සෘණාත්මක සහ අශුභවාදී හැඟීම් අතිශයෝක්තියට නංවන” සමාජ මාධ්ය පළ කිරීම් මැඩපැවැත්වීම සඳහා මාස දෙකක ව්යාපාරයක් දියත් කර තිබෙනවා.
බලධාරීන්ට අනුව, ඉලක්කය වන්නේ “සෘණාත්මක හැඟීම් නිවැරදි කිරීම” සහ “වඩාත් ශිෂ්ට සම්පන්න සහ තාර්කික අන්තර්ජාල පරිසරයක් නිර්මාණය කිරීමයි”.
“ඉගෙනීම නිෂ්ඵලයි” සහ “වෙහෙස මහන්සි වී වැඩ කිරීම නිෂ්ඵලයි” වැනි ආඛ්යාන මෙන්ම “ලෝක වෙහෙස” ප්රවර්ධනය කරන අන්තර්ගතයන් මේ හරහා වාරණය කරනු ඇති.
දේපළ අර්බුදයක්, ඉහළ තරුණ විරැකියාව සහ විද්යාල සහ රැකියා සඳහා ඇතුළත් වීමේ දැඩි තරගය හේතුවෙන් චීනය ආර්ථික මන්දගාමිත්වයක් සමඟ පොරබදමින් සිටින පසුබිමක මේ සියල්ල එහි තරුණ පරම්පරාව අතර කලකිරීමේ හැඟීමක් ඇති කර තිබෙනවා.
පුපුරා යන කලකිරීම පිළිබඳ බීජිංහි කනස්සල්ල, රටේ බලපෑම් කරන්නන්ට සහ සමාජ මාධ්ය වේදිකාවලට පහර දෙන සම්බාධක රැල්ලකින් පෙන්නුම් කරනු ලබන බව සමාජ මාධ්ය විශේෂඥයින් පෙන්වා දෙනවා.
වාරණය චීන අන්තර්ජාලයට අලුත් දෙයක් නොවන්නේ පක්ෂය, එහි නායකයින් විවේචනය කරන බව යෝජනා කරන හෝ දේශපාලන ඇඟවුම් ඇති මතභේදාත්මක මාතෘකා ස්පර්ශ කරන ඕනෑම දෙයක් ඉක්මනින් අතුරුදහන් වන බැවිනුයි.
