ඉන්දියාව, චන්ද්රිකා ප්රහාරවලින් ආරක්ෂා කර ගැනීමේ හැකියාව වැඩි දියුණු කිරීම සඳහා සැලැස්මක් සංවර්ධනය කරමින් සිටින බව වාර්තා වනවා.
සිදු වූ අතපසුවීමක් හේතුවෙන් කක්ෂයේ ඇති අනෙකුත් අභ්යවකාශ යානා මගින් ජාතික ආරක්ෂාවට එල්ල වන අවදානම් ඉස්මතු කිරීමෙන් පසුව ඉන්දියාව මෙම තීරණයට එළඹ තිබෙන බව සඳහන්.
ඉන්දීය අගමැති නරේන්ද්ර මෝදිගේ රජයට අවශ්ය වන්නේ කක්ෂගත අභ්යවකාශ යානාවලට එල්ල වන තර්ජන හඳුනාගෙන ඒවාට එරෙහිව සටන් කිරීම සඳහා ආරක්ෂක චන්ද්රිකා සංවර්ධනය කිරීමට බව මේ සම්බන්ධයෙන් දැනුවත් ඉන්දීය රජයේ මූලාශ්රයක් උපුටා දක්වමින් එරට මාධ්ය වාර්තා කර තිබෙනවා.
ඉකුත් මැයි මාසයේදී ඉන්දියාව සහ පාකිස්තානය අතර ගැටුමේදී චන්ද්රිකා ද සැලකිය යුතු කාර්යභාරයක් ඉටු කර තිබුණා.
අසල්වැසි රටක චන්ද්රිකාවක් ඉන්දියාවේ චන්ද්රිකාවකට අනතුරුදායක ලෙස සමීප වූ විට ඒ සම්බන්ධයෙන් පියවර ගැනීමේ අවශ්යතාව මෙමඟින් සම්පූර්ණ වනු ඇති.
