ඉන්දීය අග්රාමාත්ය නරේන්ද්ර මෝදි, ෆින්ලන්ත ජනාධිපති ඇලෙක්සැන්ඩර් ස්ටබ් සමඟ දුරකථන සංවාදයක් පවත්වා තිබෙනවා.
එහිදී රුසියානු – යුක්රේන ගැටුම විසඳීම අරමුණු කරගත් යුරෝපීය, එක්සත් ජනපද සහ යුක්රේන නායකයින් සම්බන්ධ කර ගනිමින් වොෂින්ටනයේ ඉකුත් දා පැවැති රැස්වීම පිළිබඳව නායකයින් දෙදෙනා අදහස් හුවමාරු කර ගත් බවයි වාර්තා වන්නේ.
ඉන්දීය අග්රාමාත්ය කාර්යාලය විසින් නිකුත් කරන ලද ප්රකාශයකට අනුව, අගමැති මෝදි ගැටුම සාමකාමීව විසඳීමට සහ සාමය සහ ස්ථාවරත්වය ඉක්මනින් ප්රතිෂ්ඨාපනය කිරීම සඳහා ඉන්දියාවේ නිරන්තර සහයෝගය නැවත අවධාරණය කර තිබෙනවා.
ඒ අතරම, අන්යෝන්ය වශයෙන් ප්රයෝජනවත් වන ඉන්දියා-යුරෝපා සංගමයේ නිදහස් වෙළඳ ගිවිසුම (FTA) ඉක්මනින් අවසන් කිරීම සඳහා ෆින්ලන්තයේ සහාය ජනාධිපති ස්ටබ් විසින් තහවුරු කර තිබෙනවා.
මෙම ඇමතුම අතරතුර, නායකයින් දෙදෙනාම ක්වොන්ටම් තාක්ෂණයන්, 6G, කෘතිම බුද්ධිය, සයිබර් ආරක්ෂාව සහ තිරසාරභාවය වැනි නැගී එන ක්ෂේත්රවල සහයෝගීතාව ඉහළ නැංවීමට කැපවෙමින් ඉන්දියා-ෆින්ලන්ත ද්විපාර්ශ්වික සබඳතාවල ප්රගතිය ද සමාලෝචනය කළ බවයි වාර්තා වන්නේ.
