මියන්මාරයේ මහ මැතිවරණය දෙසැම්බර් 28 වනදා පැවැත්වෙන බව එරට හමුදා පාලනය නිවේදනය කරනවා.
2021 වසරේදි මියන්මාරයේ පාලන බලය කුමන්ත්රණයක් මගින් එරට හමුදාව අත්පත් කරගැනිමෙන් පසු පැවැත්වෙන පළමු මැතිවරණය මෙයයි.
කෙසේ වුවද යෝජිත මහ මැතිවරණය තම බලය තහවුරු කරගැනීමට හමුදා පාලනය යොදාගැනීමට සූදානම් වන බවට චෝදනා එල්ල වනවා.
2021 වසරේදි එරට නායක අවුන්ග් සාන් සු කී අත්අඩංගුවට ගෙන සිරගත කිරිමට පියවර ගැනුණු අතර එතැන් පටන් සිවිල් අරගලයක්ද ආරම්භ වුණා.
රජයේ හමුදා හා කැරලිකාර කණ්ඩායම් අතර හටගත් ගැටුම් වලින් සිය ගණනක් ජිවිත අහිමි වි තවත් දහස් ගණනක පිරිසක් අවතැන්ව සිටින බවයි වාර්තා වන්නේ.
හමුදා පාලනයට ඇති විරෝධය හේතුවෙන් මැතිවරණ දිනෙන් දින කල් දැමිමටයි ඔවුන් පසුගිය කාලයේදි කටයුතු කළේ.
මැතිවරණය සඳහා මේ වනවිටත් දේශපාලන පක්ෂ 55 ක් පමණ ලියාපදිංචි වී ඇති බවයි වාර්තා වන්නේ.
