ලොව ප්‍රථම වරට මානවරූපී රොබෝ ක්‍රීඩා උළෙල (Humanoid Robot Games) චීනයේ බීජිංහිදී ඊයේ ආරම්භ වුණා.

අමෙරිකා එක්සත් ජනපදය, ජර්මනිය සහ ජපානය ඇතුළු රටවල් 16 ක් ඊට සහභාගිවී සිටි බවයි වාර්තා වන්නේ.

මීටර් 100 බාධක දිවීමේ සිට කුංෆු දක්වා ඉසව් සඳහා තරඟ කරන රොබෝවරු 500 කට අධික සංඛ්‍යාවක් සහභාගීවී සිට ඇති අතර මෙම තරඟය මලල ක්‍රීඩා සහ පැසිපන්දු වැනි සාම්ප්‍රදායික ක්‍රීඩා මෙන්ම වෛද්‍ය සාම්පල වර්ග කිරීම සහ පිරිසිදු කිරීම වැනි ප්‍රායෝගික කාර්යයන් ද ප්‍රදර්ශනය කරනු ඇති.

සිකුරාදා උදෑසන පැවති මුල් තරඟ වලින් වේගවත්ම රොබෝවරයා මිනිත්තු 6 යි තත්පර 29.37 කින් සිය ධාවනය අවසන් කළ අතර එය මිනිස් පිරිමි ලෝක වාර්තාව වන 3:26 ට වඩා සැලකිය යුතු පරතරයක් වනවා.

සංවිධායකයින් පවසන්නේ මෙම උත්සවයේ අරමුණ වත්මන් රොබෝ විද්‍යාව අත්හදා බැලීම සහ පිරිපහදු කිරීම බවයි.

ක්‍රීඩා යනු රොබෝවරයෙකුගේ තීරණ ගැනීම, මෝටර් කුසලතා සහ පාලක පරීක්ෂා කිරීමට ක්‍රමයක් වන අතර එය පසුව කර්මාන්තශාලා සහ නිවාස වැනි සැබෑ ජීවිත සැකසුම් තුළ යෙදිය හැකි බව සංවිධායකයින්ගේ අදහසයි.

Humanoid robotics හි ගෝලීය ප්‍රමුඛයා වශයෙන් චීනය මේ වනවිට කටයුතු කරමින් සිටිනවා.

2027 වසර වනවිට ලෝක මට්ටමින් Humanoid robotics කර්මාන්තයක් ගොඩනැගීමේ සැලැස්මක් ඇති බවයි චීන රජය පවසන්නේ.